Нийслэлийн Соёл, урлагийн газраас АНУ-ын Элчин сайдын яам, Төрийн Департаментын “Боловсрол, соёлын асуудал эрхэлсэн товчоо”-той хамтран АНУ-ын бүжгийн урлагийг дэмжих “Dance Motion” хөтөлбөрийн хүрээнд Юта мужийн Солт Лейк хотын “Райри-Вудбери” орчин үеийн бүжгийн хамтлагийн тайз, гэрэлтүүлгийн мастер класс хичээлийг 2018 оны 05 дугаар сарын 10-ны өдөр Улаанбаатар хотын мэргэжлийн урлагийн байгууллагуудын тайз, гэрлийн ажилтнуудад зориулан УДБЭТ-т зохион байгууллаа.
Энэхүү сургалтад нийт 13 байгууллагын 46 мэргэжлийн тайз, гэрлийн инженерүүд хамрагдан гэрлийн өнгөний тохиргоо, тусгай эффект, бага өртөгтэй нэмэлт программуудын талаар суралцаж, мэдээлэл авлаа.
Тус мастер класс хичээл нь нийслэлийн нутаг дэвсгэрт үйл ажиллагаа явуулж буй мэргэжлийн урлагийн байгууллагын гэрлийн инженерүүдийн боловсрол, ур чадварыг ахиулах, шинэ технологийг танин мэдүүлсэн чухал үр дүнтэй арга хэмжээ байлаа.
