2019 оны 1 дүгээр сараас ”Номоо солилцъё” бичил номын сангийн үйл ажиллагааг НИТХ, НЗДТГ, Нийслэлийн Соёл, урлагийн газар, Нийслэлийн Боловсролын газар, Д.Нацагдоржийн нэрэмжит хотын төв номын сан, JCI Grand зэрэг байгууллагуудтай хамтран НИТХ-ын Нийгмийн хөгжлийн хорооноос санаачилсан “УНШЛАГЫГ ДЭМЖИХ 2021” хөтөлбөр болон Нэгдсэн Үндэстний Байгууллагын Тогтвортой хөгжлийн #4 Чанартай боловсролыг дэмжих зорилгын хүрээнд хэрэгжүүлэн ажиллаж байна.
Төслийн дараагийн номын тавиурыг ШҮҮХИЙН ШИЙДВЭР ГҮЙЦЭТГЭХ EРӨНХИЙ ГАЗРЫН ХАРЬЯА ХОРИХ 405-Р АНГИЙН байранд байрлуулж, хүлээлгэн өглөө. Энэхүү газар нь Монголдоо ганц байдаг хамгийн хүнд ялтай хоригдлуудыг байлгадаг хорих анги юм. Тус газрын ажилтан, албан хаагчид бичил номын сангаар үйлчлүүлэхийн зэрэгцээ өөрсдөө сар бүр аян өрнүүлж номын баяжилтаа хийж ажиллах болсныг дуулгахад таатай байна.
Энэхүү арга хэмжээнд ШШГEГ-ын харьяа 405-р ангийн дарга П.Гантөмөр болон ажилтан, албан хаагчид, Нийслэлийн Соёл, урлагийн газрын дарга, JCI Grand салбар байгууллагын 2019 оны Eрөнхийлөгч Ж.Дамдинцэрэн, НСУГ-ын хамт олон оролцож 405-р ангийн ажилтан, албан хаагчдад Соёлын талаарх сургалтыг орж, нөхөрсөг спортын тэмцээнийг зохион байгууллаа.
Бичил номын санг EБС, ИДС, Төрийн байгууллага, хувийн хэвшил, эмнэлэг, цэцэрлэгүүдэд байрлуулах бөгөөд зөвхөн төрийн оролцоотой бус төр, хувийн хэвшлийн хамтын ажиллагааны хүрээнд энэхүү төсөл цаашид үргэлжлэх юм.
Өөрөө өөртөө үйлчлэх бичил номын санг тодорхой цэгүүдэд байршуулснаар хувь хүн, гэр бүл, байгууллага, хамт олны ном унших дадал зуршлыг нэмэгдүүлэх, өөрийнхөө уншсан номыг бусдад уншуулах, нийтээрээ номонд хайртай байх, эерэг хандлагыг бий болгох зорилготой юм.
“Номоо солилцъё” төслийн дүрэм энгийн – НЭГ НОМ ӨГӨӨД НЭГ НОМ АВАХ юм. Та бүхэн бичил номын сангаар үйлчлүүлэхийг уриалж байна.
