“ОРОН СУУЦЖУУЛАХ ТӨСӨЛ ХӨТӨЛБӨР”-Т ХАМРАГДЛАА

Монгол Улсын Засгийн газраас Төрийн албан хаагчийн нийгмийн баталгааг дэмжих, орон сууцны нөхцлийг сайжруулах зорилгоор “Орон сууцжуулах төсөл хөтөлбөр”-т тус газрын мэргэжилтэн О.Зууннасан, архив, бичиг хэргийн ажилтан Л.Баяртуяа нарт 2020 оны 10 дугаар сарын 26-ны өдөр орон сууцанд орох эрхийг баталгаажуулсан батламжийг гардууллаа.

“УЛААНБААТАР” ОЛОН УЛСЫН XII УДААГИЙН КИНО НААДМЫН ХҮРЭЭНД ЗОХИОН БАЙГУУЛАГДАХ ҮЙЛ АЖИЛЛАГААНУУДЫН МЭДЭЭЛЭЛ

Нийслэлийн Засаг даргын Тамгын газар, Нийслэлийн Соёл, урлагийн газар, Монголын Урлагийн зөвлөл (МУЗ) нь Швейцарын хөгжлийн агентлаг, Номадиа пикчерс ХХК-тай хамтран Бүгд Найрамдах Франц улсын Элчин сайдын яам, Австралийн Элчин сайдын яам, Итали улсын Элчин сайдын яам, Монгол дахь Гёте институт, Тайпэйн Худалдаа, Эдийн Засгийн Улаанбаатар дахь төлөөлөгчийн газрын дэмжлэгтэйгээр Монголын кино урлагийн салбарыг хөгжүүлэх, кино уран бүтээлчдийн олон улсын хамтын ажиллагааг нэмэгдүүлэх, дэлхийн нэр хүндтэй наадмуудад шалгарсан кино бүтээлийг монголын үзэгчдэд хүргэх зорилготой 12 дахь удаагийн “Улаанбаатар” олон улсын кино наадам (УБОУКН)-ыг 2020 оны 10-р сарын 19-25-ны өдрүүдэд Улаанбаатар хотноо зохион байгуулах гэж байна.

“Улаанбаатар” олон улсын кино наадмын ерөнхийлөгчөөр Нийслэлийн Засаг дарга бөгөөд Улаанбаатар хотын Захирагч, уран сайхны удирдагчаар МУ-ын Ардын жүжигчин, кино найруулагч Г.Жигжидсүрэн ажиллана. Тус наадмын хүрээнд 2020 оны кино наадамд 2019-2020 онд бүтээгдсэн Монгол, Франц, Герман, Иран, Швейцар, Итали, Австрали, Хятад, Тайвань, Япон, Бразил улсын 19 бүрэн хэмжээний уран сайхны киног толилуулахаас гадна кино уран бүтээлчдийн чадавхийг дээшлүүлэх зорилготой “Ирж яваа цаг” кино форум, “Авдраа уудал” найруулагчийн ур чадварын сургалтыг тус тус зохион байгуулна.

Ингээд та бүхэндээ 12 дахь удаагийн “Улаанбаатар” олон улсын кино наадмын хүрээнд 10-р сарын 19-25-ны өдрүүдэд зохион байгуулагдах үйл ажиллагаануудын мэдээллийг хүргэе.

2020.10.19 – Даваа гариг, Нээлтийн арга хэмжээ

16:00 – 17:30 Хэвлэлийн бага хурал

18:00 – 21:00 Наадмын нээлтийн үйл ажиллагаа

“Хэвтэрийн Хүн” нээлтийн Монгол уран сайхны кино”

2020.10.20 – Мягмар гариг, Францын кино үзвэр

18:00 – 20:10 Онцлох орон Франц улсын кино үзвэрийн нээлт

“85 оны зун /Франц/ – 1цаг 40 минут

20:40 – 22:25 Танилцуулга

Салхи зогсох аваас /Франц, Армен, Бельги/ – 1 цаг 41 минут

2020.10.21 – Лхагва гариг, “Хангарьд” Монгол кино хөтөлбөр ба шагнал гардуулах ёслолын үйл

17:00 – 19:00 “Гэргий” МУСК

19:00 – 22:00 “Хангарьд” Шилдэг уран бүтээлчдэд шагнал гардуулах ёслол

“Хөхөө” МУСК 2 цаг 4 минут

22:00 – 23:40 Танилцуулга

“Эмэгтэй” МУСК

22:00 Нийслэлийн Засаг Даргын нэрэмжит хүндэтгэлийн үйл ажиллагаа

2020.10.22 – Пүрэв гариг, “Ирж яваа цаг” кино форум ба Олон улсын кино хөтөлбөр

16:00-18:00 Кино Форум -1

18:00-20:20 Танилцуулга

Мартин Иден /Итали/ – 2 цаг 9 минут

20:50-22:30 Танилцуулга

Ундина / Герман / – 1 цаг 30 минут

22:50-00:50 Танилцуулга

Хар санаа үгүй /Иран, Герман/ – 1 цаг 52 минут

2020.10.23 – Баасан гариг, “Ирж яваа цаг” кино форум ба “Үзэхийн Хязгаар” хэсэг

16:00-18:00 Кино Форум -2

18:00 – 20:20 “Үзэхийн Хязгаар” хэсгийн нээлт

Говийн зэрэглээ /Монгол/ – 1 цаг 50 минут

20:30 – 22:50 Танилцуулга

Жинхэнэ эхчүүд /Япон/ – 2 цаг 20 минут

2020.10.24 – Бямба гариг “Үзэхийн Хязгаар” хэсгийн үзвэр

12:00-13:40 Танилцуулга – /хүүхдийн кино үзвэр/

Сицилийг эзэлсэн баавгайнуудын гайхам түүх /Франц/ – 1 цаг 22

14:10-16:10 Танилцуулга – /хүүхдийн кино үзвэр/

Шат богино хэмжээний кино /Монгол/

“А” гэвэл аз жаргал /Австрали/ – 1 цаг 38 минут

16:30-19:00 Танилцуулга

Өдрүүд /Тайвань/ – 2 цаг 7 минут

19:20-23:00 Танилцуулга

Баяртай, хүү минь /БНХАУ/ – 2 цаг 55 минут

2020.10.25 – Ням гариг Олон улсын кино хөтөлбөрийн хаалт

14:00-15:20 Танилцуулга – /хүүхдийн кино үзвэр/

Куржетт хүүгийн амьдрал /Швейцар/ – 1 цаг 10 минут

15:50-18:20 Танилцуулга

Еүридисий Гүзмаогийн үл үзэгдэх амьдрал /Бразил, Герман/ – 2 цаг 19 минут

19:00-21:00 Киноны нээлт

Хар Сүү /Герман, Монгол/ – 1 цаг 30 минут

21:00-21:30 Наадмын хаалтын үйл ажиллагаа

Үзэгчдийн нэрэмжит шагнал гардуулах ёслол

НИЙСЛЭЛИЙН НУТАГ ДЭВСГЭРТ ҮЙЛ АЖИЛЛАГАА ЯВУУЛЖ БУЙ СОЁЛЫН ОРДОН/ТӨВ/, КИНО ҮЗВЭР, ЧУУЛГА, ТЕАТР, МУЗЕЙ, КАРАОКЕ, СОЁЛ, УРЛАГИЙН СУРГАЛТ, НОМЫН САН, ЦЭНГЭЭНТ ТОГЛООМЫН ГАЗАР, ДИСКО КЛУБ, ТАЙЧИХ ҮЗҮҮЛБЭРИЙН ГАЗРУУДАД АНХААРУУЛАХ НЬ

Монгол Улсын Сонгуулийн тухай хуулийн 96 дугаар зүйл, Нийслэлийн Засаг даргын 2020 оны А/1184 захирамжийн дагуу 2020 оны 10 дугаар сарын 14-16-ны өдрүүдэд соёл, урлаг, үзвэр, спортын зэрэг олныг хамарсан арга хэмжээ зохион байгуулахгүй байхыг үүгээр анхааруулж байна.

ХҮҮХДИЙН ЭРХИЙГ ХАМГААЛАХ ЧИГЛЭЛЭЭР АВАХ ЗАРИМ АРГА ХЭМЖЭЭНИЙ ТАЛААР ҮҮРЭГ ЧИГЛЭЛ ӨГЛӨӨ

Хүүхдийн эрхийг хамгаалах, аливаа эрсдлээс урьдчилан сэргийлэх чиглэлээр  нийслэлийн Засаг даргын үүрэг гүйцэтгэгч Ж.Батбаясгалан албан даалгавар гаргаж холбогдох албаныханд үүрэг чиглэл  өглөө.

Тэрбээр гэр бүлийн хүчирхийлэл, зам тээврийн ослоос үүдэж хүүхдийн эрх зөрчигдөх явдал ихэссэн учраас, аливаа эрсдлээс урьдчилан сэргийлэх чиглэлээр авах арга хэмжээг эрчимжүүлж ажиллахыг төрийн болон нутгийн захиргааны байгууллагын бүх албан хаагчдад даалгасан юм. Хүүхдийн эрхийг хамгаалах, хүүхдэд ээлтэй Улаанбаатар хөтөлбөрийн хүрээнд “Би хариуцлагатай аав ээж” аяныг үргэлжлүүлэх, зам тээврийн ослоос урьдчилан сэргийлэх зорилгоор хөдөлгөөний ачаалал ихтэй хэсэгт олон нийтийн цагдааг эргүүл хийлгэж ажиллуулах чиглэлийг нийслэлийн Цагдаагийн удирдах газар, дүүргийн Засаг дарга нар, нийслэлийн Гэр бүл, хүүхэд, залуучуудын хөгжлийн газарт өглөө.

Мөн угаарын хийнээс сэргийлэх зорилгоор ажиллаж буй “Тавантолгой түлш” компанийн 1000 гаруй хяналтын ажилтнууд болон орчны аюулгүй байдлыг хангах зорилгоор  ажиллаж буй 1700 олон нийтийн цагдааг хүүхдийн эрхийг хамгаалах, гэр бүлийн хүчирхийллээс урьдчилан сэргийлэх чиглэлээр хороо, дүүрэг, хэсэгтээ давхар хяналт тавьж ажиллуулах үүргийг өгсөн юм.

Хүүхдүүд тоглоомын талбайд гэмтэж бэртэх тохиолдол багагүй гарч байгаагаас үүдэж хүүхдийн тоглоомын талбайн MNS 6751:2019 стандартын хэрэгжилтийг хангуулах, аюулгүй орчинг бий болгох, өдөр өнжүүлэх, хүүхэд харах үйлчилгээний төв, сургууль цэцэрлэгийн орчинд байнгын хяналт  тавьж ажиллахыг нийслэлийн Мэргэжлийн хяналтын газарт үүрэг болголоо.

Нийслэлийн Засаг даргын үүрэг гүйцэтгэгч Ж.Батбаясгалан хэлэхдээ “Сүүлийн үед хүүхдийн эрх зөрчигдөх, гэр бүлийн хүчирхийлэлд өртөх, аюулгүй амьдрах орчин нөхцлийн улбаатайгаар үр хүүхдүүд хохирох явдал ихэсч дэндлээ. Хүүхдийн эрхийн төлөө дор бүрнээ хариуцлагатай байж, аливаа эрсдлээс урьдчилан сэргийлэх ажлыг эрчимжүүлцгээе” хэмээлээ.

Нийслэлийн ЗДТГ-ын Хэвлэл мэдээлэлтэй харилцах хэлтэс

“УЛААНБААТАР ФЕСТИВАЛЬ ОРКЕСТР 2020” СОНГОДОГ УРЛАГИЙН ТОГЛОЛТ БОЛЛОО.

“Festival Orchestra” /баярын найрал хөгжим/ дэлхийн олон улс орнуудад бий болсон байдаг ба олон орноос цугларсан шилдэг хөгжимчдөөс бүрэлдэн, хоорондоо туршлага солилцох сонгодог хөгжмийн хөгжлийг хил хязгааргүй тэлэх, бүх нийтэд сонгодог урлагийн боловсрол олгох зэрэг зорилгын дор жил бүр тогтмол зохион байгуулагддагМонгол Улс дахь анхны баярын найрал хөгжим болох “UB Festival Orchestra”-ын эхний тоглолт 2020 оны 09 дүгээр сарын 27-ны өдөр 17:00 цагт “Хүн” театр-т тоглогдлоо.”Улаанбаатар Фестиваль оркестр” нь НЗДТГ, НСУГ-ын дэмжлэгтэйгээр сонгодог урлагийн мэргэжлийн хөгжимчид сайн дурын үндсэн дээр өөрсдийн хүсэл эрмэлзлээр хамтран нэгдэж буй фестиваль найрал хөгжим юм. Тус найрал хөгжим нь БНХАУ-ын Кумин хотын олон улсын филармоны гоцлол хөгжимчин Т.Хуяг санаачилгаар БНХАУ-ын ӨМӨЗО-ны Урлагийн Их Сургуулийн багш удирдаач Б.Лхагвасүрэн, УДБЭТ-ын гоцлол хөгжимчин, Концертмейстр МУУГЗ Д.Азбилэг нараар ахлуулсан Монгол Улсын Консерватори болон олон улсын симфони оркестрт ажиллаж буй хөгжимчид, гадаадын Их дээд сургуулиудад суралцаж байгаа оюутан залуучуудаас бүрдсэн 60 хүний бүрэлдэхүүнтэй оркестр юм. Энэхүү “Улаанбаатар фестиваль оркестр”-ыг Нийслэлийн Засаг даргын Тамгын газрын дарга ноён Ц.Уртнасан нээж үг хэлсэн бөгөөд Соёлын яамны Урлаг уран бүтээлийн газрын дарга хатагтай Б.Сэргэлэн, Соёл урлагийн газрын дарга хатагтай Ц.Нацагдолгор, АНУлсаас Монгол улсад суугаа элчин сайд ноён Майкл С. Клечески болон Сонгодог урлаг судлаачид, сонгодог урлаг сонирхогчид хүрэлцэн ирж сонирхлоо . Тус тоглолтын хамгийн анхны уран бүтээл бол хөгжмийн зохиолчдын холбооны гишүүн, хөгжмийн зохиолч Г.Түвшинтөрийн Энэхүү фестиваль найрал хөгжмөөр дамжуулан Нийслэл хотдоо зориулсан цоо шинэхэн хөгжмийн бүтээл болох “Нийслэл” удиртгал хөгжмөөр нээсэн. Уг хөгжмийн бүтээл нь Нийслэлийн өнгө аясыг харуулсан 4 хэсгээс бүрддэг нэгдүгээр хэсэг нь их хотын өглөөг дүрслэн харуулсан ажилдаа яарсан иргэдийн аж байдлыг хөгжимдөө тусган харуулсан бол хоёр дугаар хэсэг нь хотын залуусын хэмнэл болох хип хоп хэмнэлийг оруулан дүрслэн харуулдаг гурав дугаар хэсэг нь хүрээ дууны элементээс орж ирдэг нь түүх харуулсан хэсэг байдаг дөрөв дүгээр хэсэг нь их бүтээн байгуулалтыг харуулахыг зорьсон симфонид зориулсан удиртгал хөгжим зохиогдсон нь нийслэл болон нийслэлийн ард иргэдэд бариж буй том оюуны бэлэг юм гэж хөгжмийн зохиолч Г.Түвшинтөр ярилцлагынхаа үеэр дурдсан нь маргаангүй үнэн бизээ. Ингээд тоглолтын 2 дугаарт эгшиглэсэн бүтээл бол хөгжмийн зохиолч Цэн Эрдэнэбатын ятга хөгжимд зориулсан хөгжмийн бүтээл болох ятгын II концерт байлаа. Уг хөгжмийн бүтээлийг “Арга билэг” хамтлагийн ятгач МУСТА О.Мөнхтогтох гоцлон тоглосон энэхүү концерт нь хөгжимчдийн ур чадвар ихээхэн шаардсан томоохон хэмжээний концертыг маш чадварлагаар тоглож үзэгч түмнийг бахдам сайхан сэтгэгдэл үлдээж чадсан билээ. Хөгжмийн зохиолчийн дотоод сэтгэлгээг илэрхийлж ямар нэгэн утга санаанд баригдах биш уг хөгжмийг сонсоод сонсогч бүхэн аялгуунаас юуг мэдрэх нь өөрт үлдээж байгаа бүтээл юм. Хөгжмийн үндсэн аялгуунд говийн сайхан сэтгэлт ард түмэнг харуулсан дуу зохиосон байдаг тэр дууны аяны хэлбэр бас явдаг нь уг бүтээлийг говийн иргэдийн аж амьдралыг харуулсан ч байх боломжтой гэж Хөгжмийн зохиолч Цэн Эрдэнэбат дурьдсан. Энэ тоглолтын оргил хэсэг болох хүрэлцэн ирсэн үзэгч бүхнийг гайхшруулсан бүтээл бол Хөгжмийн зохиолч Ш.Өлзийбаярын нэг ангит “Морин хуурын III концерт” байлаа. Хөгжмийн зохиолч Ш.Өлзийбаяр нь Олон улсын хөгжмийн наадмаас 5 удаагийн шагнал хүртсэн Монгол улсын ирээдүй болсон авьяаслаг хөгжмийн зохиолч юм тухайлбал Чингисийн хүүхдүүд уран Сайханы киноны хөгжмөөр олон улсын кино наадмын шилдэг киноны хөгжим шагнал хүртсэн. Энэхүү бүтээлийг Домог хамтлагийн морин хуурч МУСТА Д.Шинэцог-Гени тоглон үзэгч түмнийг 15 минут ховстсон мэт уярааж чадсан гайхалтай бүтээлийг тоглосон. Морин хуурын III концерт нь 2016 онд зохиогдсон уг бүтээлдээ дархад ардын дууны аянаас шигтгэж өгсөн нь бас нэг онцлогтой санагдаж байлаа. Энэхүү бүтээл эгшиглэснээр тоглолтын нэгдүгээр хэсэг дууссан.Тоглолтын хоёр дугаар хэсэгт УДБЭТ-ын гоцлол хөгжимчин Д.Анхбаяр үзэгчид дунд зогсон Тромбони хөгжмийн бүтээл болох Enrique Crespo Solo Trombone концертыг тоглож сонирхуулсан.Уг хөгжмийн бүтээл нь Solo Trombone хөгжимчний ур чадвар шаардсан том хөгжмийн бүтээл юм. “Улаанбаатар фестиваль оркестр”-ын санаачлагч БНХАУ-ын Кумин хотын олон улсын филармонийн гоцлол хөгжимчин Т.Хуяг В.А.Моцартын Валтрон хөгжимд зориулсан II концертыг тоглон хүрэлцэн ирсэн үзэгчдэд Валтрон хөгжмийн гайхамшгийг мэдрүүлэн авьяаслаг хөгжимчин гэдгээ харуулан мэргэжлийн өндөр түвшинд тоглон үзүүлсэн. Залуу уран бүтээлчид болох УДБЭТ-ын хөгжимчин Б.Шинэхүү, УФ-ны хөгжимчин З.Орчлон нар Монгол улсад урд өмнө тоглогдож байгаагүй Handel-Halvorsen,s Sarabande Хийл хөгжмийн дуэт-ыг уянгалуулан тоглож мэргэжлийн урлагийн авьяаслаг уран бүтээлчид гэдгээ таниулан харуулсан. Энэхүү сонгодог тоглолтын хаалтын ноймор болох Р.Вагнер- Риенци удиртгал хөгжмийг “Улаанбаатар фестиваль оркестр” уран бүтээлчид Удирдаач БНХАУ-ын ӨМӨЗО-ны Урлагийн Их Сургуулийн багш Б.Лхагвасүрэн удирдан хаалт хийсэн ч үзэгчид тасралтгүй алга ташин дахин уригдан гарч ирэн Вильгельм телл /Ж.Россини/ Удиртгал хөгжмийг “Улаанбаатар фестиваль оркестр” дахин тоглосноор хүрэлцэн ирсэн зочид, үзэгчид талархан суудлаасаа босон алга ташин үнэхээр сайхан тоглолт үзэж сэтгэлээ баясгалаа хэмээн ирсэн зочид ярилцан байх нь сонсогдож байлаа. Цаашид жил бүр “Улаанбаатар фестиваль оркестр”-ыг Нийслэлийн Засаг даргын Тамгын газрын дарга Ц.Уртнасан жил бүхэн зохион байгуулаж байхыг илэрхийлэн хаалтын үг хэлэхэд сонгодог урлаг сонирхогчид болон хөгжимчид маань жил бүхэн хүлээж байх сайхан наадамтай боллоо хэмээн сэтгэл өндөр байлаа.

УЛААНБААТАР ХОТЫН СОЁЛЫН ҮЙЛДВЭРЛЭЛ, СОЁЛЫН АЯЛАЛ ЖУУЛЧЛАЛЫН ЦАХИМ ФОРУМ ЗОХИОН БАЙГУУЛАГДЛАА

Улаанбаатар хотын соёлын үйлдвэрлэл, соёлын аялал жуулчлалын өнөөгийн байдал, нийгэм эдийн засагт гүйцэтгэх үүрэг, цаашдын хөгжлийн чиг хандлага, бодлого, төлөвлөлтийн талаар хэлэлцсэн цахим форум “Улаанбаатар хотын соёл үйлдвэрлэл- түншлэл”, “Улаанбаатар хотын соёлын аялал жуулчлал-түншлэл”, “CREATE 2030” хэсгүүдтэйгээр өнөөдөр Улаанбаатар хотноо зохион байгуулагдлаа.

“Улаанбаатар хотын соёл үйлдвэрлэл- түншлэл” хэсгийг Бүтээлч үйлдвэрлэл инновацийн төвийн захирал, доктор дэд профессор Ж.Эрхэмтөгс удирдаж Бүтээлч үйлдвэрлэл инновацийн төвийн захирал, доктор дэд профессор Ж.Эрхэмтөгс “Соёлын үйлдвэрлэлийн Нийслэлийн нийгэм, эдийн засагт гүйцэтгэх үүрэг” сэдвээр, СЭЗИС-ийн багш, доктор Ч.Энхболд “Соёлын үйлдвэрлэл ба Ковид 19” сэдвээр, Нийслэлийн Соёл, урлагийн газрын Соёлын хэлтсийн дарга С.Дэлгэрмаа “Нийслэлийн соёлын үйлдвэрлэлийн талаар баримталж буй бодлого түүний хэрэгжит” сэдвээр тус тус илтгэл тавилаа.

“Улаанбаатар хотын соёлын аялал жуулчлал-түншлэл” хэсгийг Монголын соёлын аялал жуулчлалын холбооны тэргүүн, доктор Б.Мөнхбадрал удирдаж, СУИС, Соёлын сургуулийн ССССПБ-ын дэд профессор, доктор Ч.Мөнхжаргал “Соёлын аялал жуулчлал: Улаанбаатар хотын өнөөгийн байдал, чиг хандлага” сэдвээр, Тогтвортой аялал жуулчлалын хөгжлийн төвийн ТУЗ-ийн дарга Д.Гансүх “Соёлын аялал жуулчлал ба гар урлал, бэлэг дурсгалын сэдэв сонголт” сэдвээр илтгэл тавьж форумд оролцогчидтой хэлэлцүүлэг өрнүүллээ.

“CREATE 2030” хэсэгт Монголын соёлын аялал жуулчлалын холбооны тэргүүн, доктор Б.Мөнхбадрал “Алсын хараа-2050 дахь соёлын үйлдвэрлэл, соёлын аялал жуулчлалын агуулга” сэдвээр илтгэл тавьж форумд оролцогчидтой хэлэлцүүлэг өрнүүллээ.

Форумын зохион байгуулагчаар Нийслэлийн Засаг Даргын Тамгын газар, Нийслэлийн Соёл, урлагийн газар, Нийслэлийн Аялал жуулчлалын газар, Нийслэлийн Шинжлэх ухаан, үйлдвэрлэл, инновацын газар ажилласан бөгөөд хамтран зохион байгуулагч, дэмжигч байгууллагаар Соёлын яам, Байгаль орчин, аялал жуулчлалын яам, Засгийн газрын хэрэгжүүлэгч агентлаг Соёл, урлагийн газар, Засгийн газрын хэрэгжүүлэгч агентлаг Оюуны өмчийн газар, Монголын аялал жуулчлалын холбоо, Монголын соёлын аялал жуулчлалын холбоо, Бүтээлч үйлдвэрлэл, инновацын төв зэрэг байгууллагууд ороцлоо.

Форумыг нээж Нийслэлийн Засаг даргын тамгын газрын дарга Ц.Уртнасан үг хэлсэн бол, Монгол Улсын Соёлын яамны сайд С.Чулуун мэндчилгээ дэвшүүлж, Засгийн газрын хэрэгжүүлэгч агентлаг Соёл, урлагийн газрын дарга Н.Нацагдолгор, Засгийн газрын хэрэгжүүлэгч агентлаг Оюуны өмчийн газрын Захиргаа, удирдлагын хэлтсийн дарга С.Ганзориг, Аялал жуулчлалын хөгжлийн төвийн захирал Б.Баттулга, Аялал жуулчлалын мэргэжлийн холбоодын зөвлөлийн тэргүүн Н.Эрдэнэбат, Монголын зочид буудлуудын холбооны ерөнхийлөгч С.Мөнхбат, Аялал жуулчлалын боловсрол, хөгжлийн нийгэмлэгийн ТУЗ-ын дарга, Дисковери Монголиа ХХК-ын захирал Б.Барсболд, Аялал жуулчлалын боловсрол, хөгжлийн нийгэмлэгийн ТУЗ-ын гишүүн, Онцын тасархай ХХК-ын захирал Ж.Батсүх, Аялал жуулчлал, газарзүйн нэрт судлаач, профессор О.Сүхбаатар нарын төрийн болон төрийн бус байгууллагуудын удирдлагууд, эрдэмтэн судлаачид оролцлоо.

НИЙСЛЭЛИЙН СОЁЛ, УРЛАГИЙН ГАЗАР

“УЛААНБААТАР ФЕСТИВАЛЬ ОРКЕСТР 2020” СОНГОДОГ УРЛАГИЙН ТОГЛОЛТ БОЛНО

“Festival Orchestra” /баярын найрал хөгжим/ дэлхийн олон улс орнуудад бий болсон байдаг ба олон орноос цугларсан шилдэг хөгжимчдөөс бүрэлдэн, хоорондоо туршлага солилцох сонгодог хөгжмийн хөгжлийг хил хязгааргүй тэлэх, бүх нийтэд сонгодог урлагийн боловсрол олгох зэрэг зорилгын дор жил бүр тогтмол зохион байгуулагддаг.

Монгол Улс дахь анхны баярын найрал хөгжим болох “UB Festival Orchestra”-ын эхний тоглолт 2020 оны 09 дүгээр сарын 27-ны өдөр 17:00 цагт “Хүн” театр-т болох юм.

“Улаанбаатар Фестиваль оркестр” нь НЗДТГ, НСУГ-ын дэмжлэгтэйгээр сонгодог урлагийн мэргэжлийн хөгжимчид сайн дурын үндсэн дээр өөрсдийн хүсэл эрмэлзлэлээр хамтран нэгдэж буй фестиваль найрал хөгжим юм. Тус найрал хөгжим нь БНХАУ-ын Кумин хотын олон улсын филармоны гоцлол хөгжимчин Т.Хуяг болон БНХАУ-ын ӨМӨЗО-ны Урлагийн Их Сургуулийн багш удирдаач Б.Лхагвасүрэн, УДБЭТ-ын гоцлол хөгжимчин, Концертмейстр МУУГЗ Д.Азбилэг нараар ахлуулсан Монгол Улсын Коисерватори болон олон улсын симфони оркестрт ажиллаж буй хөгжимчид, гадаадын Их дээд сургуулиудад суралцаж байгаа оюутан залуучуудаас бүрдсэн 60 хүний бүрэлдэхүүнтэйгээр “Улаанбаатар Фестиваль оркестр 2020”-д оролцож байна.

“НОМЫН БАЯР” ХАН-УУЛ ДҮҮРЭГТ БОЛЛОО.

Монгол Улсын Ерөнхийлөгчийн 2012 оны “Номын баярын өдөр тэмдэглэх” тухай 158 дугаар зарлигийн дагуу “Номын баяр” арга хэмжээг 09 дүгээр сарын 22-ны өдөр Хан-Уул дүүргийн “Шинэ хаус” цэцэрлэгт хүрээлэнд “Номын баяр- Танай дүүрэгт- Таны дэргэд” уриан дор зохион байгуулагдлаа.