Category: Мэдээ

Соёлын биет бус өвийг хамгаалах ЮНЕСКО-гийн Засгийн газар хоорондын ээлжит VIII хуралдаан Азербайжаны нийслэл Бакуд энэ сарын 2-нд эхэлсэн юм. 2003 оны Соёлын биет бус өвийг хамгаалах тухай конвенцийн 157 гишүүн оролцож буй уг хуралдаанд манай улсаас ЮНЕСКО-гийн Монголын үндэсний комиссын Ерөнхий нарийн бичгийн дарга Г.Жаргалсайхан тэргүүтэй төлөөлөгчид оролцож байна. Энэ сарын 7 хүртэл үргэлжлэх тус хуралдаанаар ЮНЕСКО-гийн хүн төрөлхтний соёлын биет бус өвийн төлөөллийн жагсаалтад манай улсаас нэр дэвшүүлсэн “Монгол гэрийн уламжлалт урлал, зан үйл” өвийг хэлэлцэнэ.

Харин ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад нэр дэвшсэн монгол түмний бичиг үсгийн гайхамшгийг илтгэх “Монгол уран бичлэг”-ийг удирдах хорооны 24 гишүүн орон хүн төрөлхтний соёлын өв хэмээн санал нэгтэйгээр баталж, өчигдөр албан ёсоор ЮНЕСКО-д бүртгэлээ. Яаралтай хамгаалах шаардлагатай соёлын биет бус өвийн жагсаалтад олон улсын соёлын биет бус 11 өв нэр дэвшиж, тивүүдийн төлөөлөл болох Монгол Улс, Азербайжан, Гватемал, Уганда улсын өв бүртгэгджээ.

Дашрамд дурдахад, Монголын уран бичлэг манай улсаас тус жагсаалтад бүртгэгдсэн тав дахь өв болж байгаа. Өмнө нь Монгол тууль, Монгол ардын бүжгийн урлаг, бий биелгээ, Монгол цуур хөгжмийн уламжлалт урлаг, Монгол лимбэчдийн уртын дуу хөгжимдөх уламжлалт арга барил битүү амьсгаа зэрэг өв бүртгэгдсэн юм.

Нийслэлийн Засаг даргын  “Шинэ жилийг угтах, тэмдэглэх ажлын хэсэг байгуулах тухай” А/1024 тоот захирамжийн дагуу ажлын хэсэг байгуулагдаж, ажлын хэсгийн даргаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл, нарийн бичгийн даргаар Нийслэлийн Соёл урлагийн газрын дарга Б.Батцэнгэл ажиллаж байгаа юм. Баярын хөтөлбөрийн дагуу  Их эзэн Чингис хааны талбайд жил бүр сүндэрлэдэг сүлд модны гэрлийг 2013 оны 12 дугаар сарын 15-ны өдөр асаахаар төлөвлөсөн бөгөөд сүлд модыг засах ажил үргэлжилж байна. Харин баярын цэнгүүн 12 дугаар сарын 31-ний үдэш Чингис хааны талбайд болно.

1. Геологийн төв лаборатори
2. Драгон төвийн төрийн банк
3. Драгон төвийн цагдаагийн иргэдэд үйлчлэх төв
4. 3,4-р хорооллын эцэс ACE зочид буудал
5. 3,4-р хорооллын эцэс Шонхор караоке
6. 3,4-р хороолол NEXT PLAZA
7. 3,4-р хороолол Ундрам төв
8. 3,4-р хороолол Төрийн банк өргөө салбар
9. 3,4-р хороолол Ариунаа үсчин
10. 3,4-р хороолол Монгол фитнес төв
11. 3,4-р хороолол Өргөө кино театр
12. 3,4-р хороолол Баянгол их дэлгүүр
13. 3,4-р хороолол Номин их дэлгүүр
14. 3,4-р хороолол PYRAMID төв
15. 3,4-р хороолол Noodle house
16. 3,4-р хороолол Tumen plaza
17. 3,4-р хороолол Арвай паб
18. 3,4-р хороолол S-PUB
19. 3,4-р хороолол 10000 нэрийн бараа
20. 3,4-р хороолол Хаан бууз
21. 3,4-р хороолол Аз их дэлгүүр
22. Гандан тэгчилэн хийдийн урд гудамж 1
23. Гандан тэгчилэн хийдийн урд гудамж 2
24. Гандан тэгчилэн хийдийн урд гудамж 3
25. 25-р эмийн сан Лион паб
26. Төмөр замын сургууль кемпаб2 кафе
27. ТБД андууд S-PUB2
28. Сод монгол шатхуун түгээх CAR WASH машин угаалга
29. Барилгын колледж
30. Баруун дөрвөн зам NEXT PLAZA
31. Баруун 4 зам Нийслэл паб
32. Баруун 4 зам Lily паб
33. Центер пойнт Матрикс салон
34. Центер пойнт TSE паб
35. Мэргэжилтний 20 Өнөсайхан ломбард
36. Мэргэжилтний 20 Шимт бууз
37. Улсын их дэлгүүрийн урд талын пантам1
38. Улсын их дэлгүүрийн урд талын пантам2
39. Улсын их дэлгүүрийн урд талын пантам3
40. Цирк
41. Сөүлийн гудамж Голомт хотхон Талст дэлгүүр
42. Сөүлийн гудамж BDS  ресторан
43. Сөүлийн гудамж Наран плаза
44. Сөүлийн гудамж Greese салон
45. Сөүлийн гудамж цагдаагийн иргэдэд үйлчлэх төв
46. Сөүлийн гудамж Төрийн банк
47. Сөүлийн гудамж Цүки хаус
48. Сөүлийн гудамж Air Express билетийн касс
49. Сөүлийн гудамж Air Market
50. Драмын театр
51. Хүнсний 20 Seoul салон
52. Хүнсний 20 Сүвинер хаус
53. Хүнсний 20 Туна электроникс
54. Хүнсний 20 Эрэл банк
55. Цэцэг төв UB зоог
56. Цэцэг төв Бухара ресторан
57. Ард кино театр Үндэсний зоог
58. Ард кино театр  Ким духан ресторан
59. Хүнсний 1 Толла сүпермаркет
60. Хүнсний 1 Тайж кафе
61. Хүнсний 1 Хас гоёл
62. Урт цагаан 1
63. Урт цагаан 2
64. Урт цагаан 3
65. Анкарагийн гудамж London паб
66. Анкарагийн гудамж Хас гоёл
67. Анкарагийн гудамж Midlands паб
68. Анкарагийн гудамж СУЙС
69. Их сургуулийн гудамж Gate кафе
70. Их сургуулийн гудамж Losbandidos ресторан
71. Их сургуулийн гудамж Ялгуун паб
72. Их сургуулийн гудамж МУЙС Эдийн засгийн сургууль
73. Сүхбаатарын талбай Үйлдвэрчний эвлэл
74. Сүхбаатарын талбай Соёлын төв ордон
75. Сүхбаатарын талбайн урд талын сад
76. Централ тоур
77. Тусгаар тогтнолын ордон
78. МУБИС уулзвар Боловролын газар
79. МУБИС Fast food
80. Багш хөгжлийн төв
81. Арслантай гүүр Гүн паб
82. ХААЯ Coffee shop
83. ХААЯ Хонгилдон ресторан
84. Бөхийн өргөө Терра ресторан
85. Бөхийн өргөө Хөх нуруут
86. Сайд нарын 2-р эмнэлэг
87. 13-р хороолол Төрийн банк
88. 13-р хороолол Голомт банк
89. Үндэсний цэцэрлэгт хүрээлэн 1
90. Үндэсний цэцэрлэгт хүрээлэн 2
91. Үндэсний цэцэрлэгт хүрээлэн 3
92. Үндэсний цэцэрлэгт хүрээлэн 4
93. Зайсан бурхантай хөшөө
94. Ялалтын талбай
95. Барилгачдын талбай
96. Явуухулангийн талбай
97. Оюутан тайлбай
98. Спортын төв ордон
99. НИК ХХК Tai shop

Нийслэлийн удирдлагын зөвлөлийн ээлжит хуралдаан 11 сарын 23-ны өдөр болж, Шинэ жилийг угтах, тэмдэглэх Нийслэлийн ажлыг хэсэг байгуулах тухай асуудлыг хэлэлцлээ. Хуралдаанаар шинэ жилийг угтах, тэмдэглэх Нийслэлийн ажлыг хэсгийг байгуулахаар болж, ажлын хэсгийн даргаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл, нарийн бичгийн даргаар Нийслэлийн Соёл, урлагийн газрын дарга Б.Батцэнгэлийг ажлуулахаар нийслэлийн Засаг дарга захирамж гаргахаар боллоо. Энэ жилийн хувьд шинэ жилийн баярын сүлд модны гэрэл асаах ёслолыг 12 сарын 15-ны өдөр, хуучин оноо үдэж, шинэ оноо угтах баярын цэнгүүнийг 12-р сарын 31-ний өдөр их эзэн Чингис хааны талбайд хийхээр төлөвлөлөө.

Улаанбаатар хотын нийгэм, эдийн засгийн хөгжилд шинэ жишиг авчирсан, дэлхийн стандартад хүрсэн шилдэг бүтээн байгуулалтад  олгох “НИЙСЛЭЛИЙН БҮТЭЭН БАЙГУУЛАЛТЫН ДЭЭД ШАГНАЛ”-ын эзэд тодорч, хаш чулуун суурь бүхий “Хангарьд” цом гардан авлаа.  Энэ жилээс эхлэн,  нийслэлийн өдрөөр олгохоор болсон “Нийслэлийн бүтээн байгуулалтын дээд шагнал”-д  4 төрлөөр 21 бүтээн байгуулалт нэр дэвшсэн юм.
“Барилга, байгууламж” төрөлд “Вива сити” залуусын хороолол, “Ривер Гарден” хотхон, “Дүнжингарав” худалдааны төв, “Туушин” барилга, “Блю Мон” үйлчилгээний барилгууд нэр дэвшсэнээс  залуу гэр бүлийг хямд, тохилог орон сууцаар хангаж, орчны тохижилтийг бүрэн шийдсэн “Вива сити” залуусын хороолол, Автозам, замын байгууламжийн бүтээн байгуулалт төрөлд “Тотал Инж” ХХК “Саппорогийн тойргоос Москвагийн гудамж- Үйлдвэрчний эвлэлийн гудамжны уулзвар” 5 шар хүртэлх 3,2 км автозамын өргөтгөл шинэчлэлтийн ажил,  “Наранбулаг Хан” ХХК “Баянбүрдийн тойрог” 32-ын тойрог хүртэлх 1,7 км автозамын шинэчлэлт, “Экспресс зам” ХХК-ийн 1-р хорооллын арын зам, 4 замын уулзвар”, 15 компанийн хамтарсан “Хүй 7 худаг”-т баригдсан 8,5 км автозам, 7000 автомашины зогсоол, 6 га бүхий үйлчилгээний талбайн ажил,  “Хурдны зам” ХХК Хайлааст, Орбит Тахилтын 7,1 км замын ажлууд нэр дэвшсэнээс Улаанбаатар хотын автозамын сүлжээг сайжруулж, замын түгжрэлийг бодитоор бууруулах үйлсэд үнэтэй хувь нэмэр оруулсан  “Экспресс зам” ХХК-ийн 1-р хорооллын арын зам, 4 замын уулзвар,  “Дэвшилтэт техник, технологи бүхий шинэ үйлдвэр” төрөлд мах махан бүтээгдэхүүний үйлдвэрлэл эрхэлдэг  “Монгол Фүүд” ХХК,  Авто замын хашлага, ус зайлуулах шугам лоткийн үйлдвэрлэл “Улаанбаатар БҮК” ХК, Хаягдал түүхий эд дахин боловсруулах  “Алтан оршихуй” ХХК,  “Ахуй мандал” үйлдвэр, Автозамын асфальтбетон хольцын  “Эрэл” ХХК, Автозамын асфальт бетон “Ялгуусан” ХХК үйлдвэрүүд нэр дэвшсэнээс шинэ техник, технологийг үйлдвэрлэлдээ нэвтрүүлсэн Авто замын хашлага, ус зайлуулах шугам лотк үйлдвэрлэлийн  “Улаанбаатар БҮК” ХК, “Дэд бүтэц, инженерийн байгууламж” төрөлд “Койка”-ийн  буцалтгүй тусламжаар хэрэгжиж байгаа Яармагийн шинэ хорооллын цэвэр усан хангамж төсөл нь хоногт 20,000м3 ус олборлох хүчин чадалтай хоёр ширхэг усан сан, 5,3 км дамжуулан шахах хоолой барьж байгуулсан ажил, “Вива сити” ХХК Хонгилын системийн ажил, “Мотор сервис” 100 айл Сэлбийн гол дээр баригдсан 58х2 урт метр 2 хос төмөр бетон гүүрийн шинэчлэлтийн ажлууд нэр дэвшсэнээс нийслэлийн цэвэр усны нөөцийг нэмэгдүүлэх, ард иргэдийг ундны усаар хангахаар ажиллаж байгаа  “Койка”-ийн  буцалтгүй тусламжаар хэрэгжиж байгаа Яармагийн шинэ хорооллын цэвэр усан хангамж төсөл нь хоногт 20,000м3 ус олборлох хүчин чадалтай хоёр ширхэг усан сан, 5,3 км дамжуулан шахах хоолой барьж байгуулсан ажил шалгарч, “НИЙСЛЭЛИЙН БҮТЭЭН БАЙГУУЛАЛТЫН ДЭЭД ШАГНАЛ”-ын эзэд боллоо. Эдийн Засгийн хөгжлийн яамнаас хэрэгжүүлж буй “Гудамж төсөл”, Япон улсын “Жей Эф И инженеринг копораци”-ийн гүйцэтгэсэн “Нарны гүүр” төсөл “Тусгай шагнал” хүртсэн юм.  Шалгаруулалтыг Нийслэлийн Засаг даргын Тамгын газар, Захирагчийн ажлын алба,  Ерөнхий төлөвлөгөөний газар, Мэргэжлийн хяналтын газар, Зураг төслийн хүрээлэн,  эрдэм шинжилгээ судалгааны төрийн бус байгууллага, мэргэжлийн холбоод, иргэдийн  төлөөллөөс бүрдсэн ажлын  хэсэг болон олон нийтээс ирсэн саналыг үндэслэн шалгаруулсан юм. Шалгарсан бүтээлүүд нь 2013 онд шинээр ашиглалтад орсон, үр дүн нь ард иргэдэд шууд хүрсэн,  тухайн бүтээн байгуулалт нь нийслэлийнхний аж амьдралд онцгой нөлөө үзүүлсэн, дэлхийн түвшний стандартыг нэвтрүүлсэн шилдэг бүтээлүүд юм.

www.ulaanbaatar.mn

Монгол Улсын Хөдөлмөрийн баатар, Төрийн шагналт хөгжмийн зохиолч Дагвын Лувсаншаравын нэрэмжит “Хүүхдийн найрал дууны наадам”-ыг нийслэлийн Засаг даргын ивээл дор жил бүр зохион байгуулдаг. Наадмын эхний шатанд  дүүрэг бүрээс шалгарсан шилдгүүдээс тэргүүн байранд Чингэлтэй дүүргийн 5-р сургуулийн найрал дууны хамтлаг, 2 дугаар байранд Баянзүрх дүүргийн 84-р сургууль, 3 дугаар байранд Чингэлтэй дүүргийн 39-р сургуулийн найрал дууны хамтлаг шалгарсан юм. Харин Багахангай дүүргийн “Хангай” цогцолбор сургууль, Баянгол дүүргийн “Эрдмийн өргөө” цогцолборын найрал дууны хамтлагууд наадмын тусгай байрыг эзэлжээ. Нийслэлийн ойн өдрөөр “Хүүхдийн найрал дууны наадам”-ын шилдгүүдийн “Гала” тоглолт Соёлын төв өргөөнд болж хүүхдүүд дэлхийн сонгодог болон  олон орны шилдэг уран бүтээлийг тайзнаа эгшиглүүллээ. Гала тоглолтод Сонгинохайрхан дүүргийн 62-р сургууль, Хан-уул дүүргийн 114-р сургууль, Орос-Монголын  хамтарсан 3-р сургууль, Тусгай сургалттай 116 дугаар сургуулийн найрал дууны хамтлагууд урилгаар оролцлоо. Наадмын үеэр хүүхдийн дууны хэмээн нэршсэн Монгол Улсын гавьяат жүжигчин В.Долгор ая дуугаа өргөлөө. Энэ үеэр хүүхэд багачууд “Мөрөөдлийн хот”-оо сэтгэлдээ хэрхэн төсөөлж байгаагаа илэрхийлсэн “Хүсэл мөрөөдлийн хайрцаг”-ийг хотын удирдлагуудад гардуулан өгсөн юм.
Нийслэлийн Засаг дарга бөгөөд Улаанбаатар хотын Захирагч наадамд оролцсон хүүхэд багачуудад баяр хүргэн хэлсэн үгэндээ “Бидний ирээдүй болсон хүүхэд багачууд минь ямар их авьяас билэгтэй, чадварлаг байгааг хараад би маш их баярлаж байна. Үнэхээр сэтгэл сэргээсэн тоглолтыг өнөөдөр би үзлээ. Бид ирээдүй болсон хүүхэд багачууддаа “Хот шиг хот” хүлээлгэн өгөх зүрх зорилготой ажиллаж байна. Та бүхэндээ маш их баярлалаа” гээд наадамд оролцсон хүүхэд бүрт гарын бэлэг гардууллаа.

Нийслэлийн 374 жилийн ойг тохиолдуулан нийслэлийн Иргэдийн Төлөөлөгчдийн Хурлын дарга Д.Баттулга, нийслэлийн Засаг дарга бөгөөд Улаанбаатар хотын Захирагч Э.Бат-Үүл болон нийслэлийн удирдлагууд, “Мэлхийт хөшөө”-нд хүндэтгэл үзүүлж, Сүлдэт хуур цэнгүүллээ. 1639 онд өндөр гэгээн Занабазарыг Их Монголын шарын шашны тэргүүнд өргөмжлөн өргөө байгуулан өгснөөр Монгол улсын нийслэлийн  үүслийг тавьсан түүхтэй. Тэр цагаас хойш 28 удаа бууриа сэлгэж,  1778 онд Богдхан уулын ар, хатан Туулын хөвөө, сэрүүн Сэлбийн дэнж, Хүн чулууны хонхорт суурьшихдаа нүүдэллэн ирсний тэмдэг болгож “Хүн чулуун хөшөө”-гөөр шав тавьжээ. Энэхүү түүхэн үйл явдлыг мөнхжүүлэх, хойч үедээ таниулан сурталчлах зорилгоор тус шав тавьсан газрын хойхно хэсэгт 1994 онд дурсгалын “Мэлхийт” хөшөөг босгож, нийслэлийнхээ ойгоор хүндэтгэл үзүүлдэг уламжлалтай болсон юм. НИТХ-ын Д.Баттулга  “Мэлхийт хөшөө”-нд хүндэтгэл үзүүлэх үеэр “Үүсэн байгуулагдаад дөрвөн зууны нүүрийг элээсэн, эсгий туургатны нийслэл Улаанбаатар хот маань арвин баялаг түүхтэй бөгөөд үүссэн цагаасаа хойш монголын нийгмийн улс төр, соёл, эдийн засгийн гол төв байж, өдрөөс өдөрт жилээс жилд өргөжин тэлж өнөөдөр 374 жилийнхээ ойтой золгож байна. Нийслэлийн шинэчлэлийн багаас энэ өдрийг хийсэн ажлаа дүгнэх, хийх ажлаа төлөвлөх, алдаа оноогоо хэлэлцэх өдөр болгон тэмдэглэж байна. Өнгөрсөн жил хот тохижилт, нийтийн тээвэр, хог хаягдал, дэд бүтэц, гэр хорооллыг дахин төлөвлөлт гэх мэт олон чиглэлээр бүтээн байгуулалтын ажлыг хийж, тодорхой үр дүнд эхнээсээ хүрч байна. Нийслэлийн иргэдийн дуу хоолойг сонсож, тэдний санал хүсэлтийг гаргаж бай шийдвэр, бүтээн байгуулалт, бүтээлч ажилдаа тусгаж байгааг иргэд таатай хүлээн авч байгаа. Тиймээс нийслэлийн дүүрэг, хороодод нийт 42 газарт “Иргэний танхим”, “Иргэний оролцооны хэлтэс” байгуулан иргэддээ ойртож байна. Нийслэлийн иргэддээ  374 жилийн ойн баярын мэндийг дахин хүргэхийн ялдамд хүн бүр, иргэн бүр, айл бүрийн амьдралд аз жаргал, инээд баясал, хөгжил дэвшлийг хүсэн ерөөлөө

Монгол Улсын Хөдөлмөрийн баатар, Төрийн шагналт, Ардын жүжигчин,  хөгжмийн зохиолч, нэрт хормейстр Дагвын Лувсаншаравын Монголын ард иргэд, тэр дундаа нийслэлийн иргэдийг соён гэгээрүүлэх их үйлс,  Улаанбаатар хотын хөгжил, бүтээн байгуулалтад оруулсан хувь нэмрийг нь үнэлж НИТХ-ын Тэргүүлэгчдийн 2013 оны 10 дугаар сарын 25-ны өдрийн 123 дугаар  тогтоолоор  ниислэлийн 14 дэх  “Хүндэт иргэн” –ээр өргөмжиллөө.
“Нийслэлийн Хүндэт иргэн”-ээр өргөмжлөгдсөн Монгол Улсын Хөдөлмөрийн баатар, Төрийн шагналт, Ардын жүжигчин, хөгжмийн зохиолч  Дагвын Лувсаншарав гуайд нийслэлийн Удирдлагууд чин сэтгэлийн талархал дэвшүүлэн баяр хүргэлээ.
“Нийслэлийн Хүндэт иргэн”, хөгжмийн зохиолч Дагвын Лувсаншарав “Хүний амьдралд олон сайхан гэрэлтэй, гэгээтэй мөч тохиолддог.  Өнөөдөр миний амьдралд бас нэгэн сайхан мөч тохиож байна. НИТХ, НЗДТГ-аас  надад хүндэтгэл үзүүлж, нийслэлийн “Хүндэт иргэн”-ээр өргөмжилж байгаад их баяртай байна. Одоогоос 70 жилийн өмнө  би Улаанбаатар хотын иргэн болж, Дөрвөн хайрхан уулынхаа дунд,  мөнх хөх тэнгэрийнхээ дор гал голомтоо бадрааж байлаа. 1940 оны Улаанбаатар одоогийнхтой харьцуулшгүй өөр болж хөгжсөн гэдэг нь мэдээж. Гэхдээ би залуу халуун насандаа Улаанбаатар хотын 40, 50 мянгатын  орон сууц баригдах үед суурийг нь цутгах ажилд үеийн залуусын хамт оролцож төлөвлөгөөгөө давуулан биелүүлж ажиллаж байсан. Тийм болохоор Улаанбаатар хотын бүтээн байгуулалтад миний өчүүхэн ч гэсэн хувь нэмэр орсон шүү гэж бодон бахархаж явдаг даа” гэж нийслэлд анх удаа хөл тавьж, гал голомтоо бадрааж байсан сайхан дурсамжаасаа хуваалцлаа. Тэрээр “Хан бүргэд”, Шивээ хиагт, “Нүцгэн ноён”, “Ард Аюуш” дууриуд, “Бөртэ чоно”, “Нарны домог” бүжгэн жүжиг, “Цэцэг нуурын хөвөөнд”, “Алдагдсан тамга”, “Их авхай” тэргүүт жүжгүүд, “Аман хуур”, “Нүгэл буян”, “Төөрсөөр төрөлдөө” зэрэг 20 гаруй кино, “Үйлсийн сайхан Улаанбаатар”, “Хурдан зээрд”, “Дурлал хайрыг минь дамжуулаарай” зэрэг 200 гаруй дууны аялгуугаар Монголын урлагийн түүхийн хуудсыг нэмсэн төдийгүй Монгол улсад найрал дууг хөгжүүлэх үндэс суурийг тавьсан гавьяатан юм.  Хүүхдийн “Сүлд” дуу болтлоо дуулагдаж буй “Маамуу нааш ир”-ийг Монголын багачууд хэлд орсон цагаасаа дуулж эхэлснээс хойш 57 оныг үджээ,  Тиймээс нийслэлийн Засаг даргын ивээл дор жил бүр зохион байгуулдаг “Хүүхдийн найрал дууны наадам”-ыг Монгол Улсын Хөдөлмөрийн баатар, Төрийн шагналт, Ардын жүжигчин хөгжмийн зохиолч  Дагвын Лувсаншаравын нэрэмжит болгон тэмдэглэж ирсэн юм.

МОНГОЛ УЛСЫН ХӨДӨЛМӨРИЙН БАААТАР ТӨРИЙН ШАГНАЛТ

АРДЫН ЖҮЖИГЧИН Д.ЛУВСАНШАРАВЫН НЭРЭМЖИТ“ХҮҮХДИЙН НАЙРАЛ

 ДУУНЫ ШИЛДЭГ ХАМТЛАГ” ШАЛГАРУУЛАХ 21 ДЭХ УДААГИЙН УРАЛДААНЫ

ТӨГСГӨЛИЙН ШАТНЫ ШАЛГАРУУЛАЛТЫН ДҮН

            Монгол Улсын Хөдөлмөрийн баатар, Ардын жүжигчин Д.Лувсаншаравын нэрэмжит “Хүүхдийн найрал дууны шилдэг хамтлаг” шалгаруулах 21 дэх удаагийн уралдааны төгсгөлийн шатны шалгаруулалт 2013.10.23ны өдөр МХО-д амжилттай явагдаж өнгөрлөө.Уралдааны ерөнхий шүүгчээр Хөгжим судлаач, СГЗ Ч.Буянхишиг, шүүгчээр Буриад улсын Улаан-үдэ хотын П.И.Чайковскийн нэрэмжит хөгжмийн коллежийн найрал дууны удирдаачийн тэнхмийн эрхлэгч Полякова Ольга Николаевна, СУИС-ийн хормейстер багш, СТА Д.Оюунхишиг, ХБК-ын хормейстер багш, профессор, СТА, БТА Т.Тельман, Монголын Найрал дууны уран бүтээлчдийн холбооны тэргүүн Ц.Эрдэнэтуяа нар ажилласан. Төгсгөлийн шатны шалгаруулалтанд Нийслэлийн 9-н дүүргийн шилдэг 22 хамтлаг оролцож шилдгийн шилдэгээ тодрууллаа.

1-р байр –       Чингэлтэй дүүрэг 5-р сургууль

2-р байр –       Баянзүрх дүүрэг  84-р сургууль

3-р байр –       Чингэлтэй дүүрэг 39-р сургууль

 Тусгай байр-  Багахангай дүүрэг  “Хангай” цогцолбор сургууль

 Тусгай байр-  Баянгол дүүргийн “Эрдмийн өргөө” цогцолбор сургууль

-Шилдэг удирдаач багш –  Сонгинохайрхан дүүрэг 62-р сургуулийн хөгжмийн багш  М.Энхцэцэг

-Шилдэг найруулга-  Хан-уул дүүрэг 114-р сургуулийн хөгжмийн багш Алтангэрэл нар тус тус шалгарлаа.

Дээрх шалгарсан найрал дууны хамтлагууд   Нийслэлийн 374 жилийн ойн өдөр буюу энэ сарын 29-нд “Хүүхдийн найрал дууны наадам”-д оролцож, ая дуугаа өргөнө.