Category: Мэдээ

05 дугаар сарын 03-нд Хятадын соёлын төвтэй хамтран Хятад улсын Жилинь мужийн төлөөлөгчид болох Жилин мужийн Ардын засгийн газрын хэвлэл мэдээллийн албаны дарга Жан Жи Вэй, Жилин мужийн Ардын засгийн газрын Хэвлэл мэдээллийн албаны хэлтсийн дарга Үй Хун Шөн, Жилин мужийн Ардын засгийн газрын Гадаад хэрэг эрхлэх газрын дарга Жэн Ган, Жилин мужийн Ардын засгийн газрын Хэвлэл мэдээллийн албаны хэлтсийн дэд дарга Циү Жао Мин, Жилин мужийн Дуу бүжгийн чуулгын хязгаарлагдмал хариуцлагатай компаний бүжиг дэглээч Жао Син, тус газрын дарга Б.Батцэнгэл, урлаг уран сайхны хэлтсийн дарга М.Мөнхсайхан, газрын зөвлөх С.Цогтбаяр, мэргэжилтэн Г.Заяа нар уулзан ирэх намар 2 хотын соёлын өдрүүдийг өөрсдийн хотууддаа зохион байгуулах талаар ярилцаж, хамтран ажиллахаар тохиролцов.

Ерөнхий боловсролын сургуулийн ахлах ангийн сурагчдын мэдлэг чадварыг дээшлүүлэх, тэдний сурч боловсрох, нийгэмшихэд урлагийн үнэ цэнийг нэмэгдүүлэх, Архи, тамхи, мансуурлын хорт хэрэглээнээс урлагаар дамжуулан урьдчилан сэргийлэх зорилгоор Монгол HD телевизээс зохион байгуулдаг “Ангийн драм” нэвтрүүлгийн дэмжигч байгууллагаар ажилласан. Үүний үр дүнд тус нэвтрүүлгийн 2, 3-р шатны шалгаруулалтанд “Хотын соёл”, “Архи, тамхи, мансуурлын хорт хэрэглээнээс урьдчилан сэргийлэх” ерөнхий сэдвийг уралдаанд оролцож буй багуудад өгсөн. Нийт 40 сургуулийн 450 гаруй сурагчид хамрагдсан энэ удаагийн шоу нэвтрүүлэг нийт 5 үе шаттгай явагдаж шилдэгүүдийг тодруулсан. Тус газраас “Ангийн драм-2” нэвтрүүлгийн сүлд дууг бүтээн олны хүртээл болгож, нэвтрүүлгийн төгсгөлийн шатны шалгаруулалтыг Соёлын төв өргөөнд зохион байгуулахад дэмж үзүүлж хамтран ажиллалаа. Мөн шилдэг баг, шилдэг багш, шилдэг багийн ахлагчид тус газрын өргөмжлөл, мөнгөн шагнал хүртээсэн нь нэвтрүүлгийн цаг хүрээг өргөтгөөд зогсохгүй бодлогын хувьд төрийн байгууллагын зүгээс томоохон хувь нэмэр, дэмжлэг үзүүлсэн талаар нэвтрүүлгийг санаачлагч Монгол ТВ-ийн хамт олон талархан хүлээн авсан.  Төгсгөлийн шатны шалгаруулалтыг 5 дугаар сарын 19-нд Монгол HD ТВ-тэй хамтран “Ангийн драм” нэвтрүүлгийн шилдэг багуудын шалгаруулалтыг Соёлын төв өргөөнд зохион байгуулан Бадмаараг лицей сургууль 1-р байр, 33-р сургууль 2-р байр, 28-р сургууль 3-р байр, 48-р сургууль 4-р байр, 50-р сургууль 5-р байр, тусгай байранд Улаанбаатар сургууль тус тус шалгарч газрын өргөмжлөл мөнгөн шагналаар шагналаа. 05 дугаар сарын 25-нд “Ангийн драм” нэвтрүүлгийн шилдэг оролцогчдийг шалгаруулах шалгаруулалтыг Соёлын төв өргөөнд зохион байгуулсан ба 33, 28, 48-р сургуулиудын багийн ахлагч нар мөн 33-р сургуулийн багш шилдэг багшаар шалгарч газрын өргөмжлөл мөнгөн шагнал хүртсэн.

Шинэчлэлийн  Засгийн газраас иргэдийн эрүүл мэнд, гоо сайхны болосрол, соёлыг дээшлүүлэх талаар дэвшүүлсэн зорилтыг хэрэгжүүлэх ажлын хүрээнд ССАЖЯ, Нийслэлийн Соёл урлагийн газар, Монголын нийтийн бүжгийн холбоо хамтран 4-р сарын 22-26ны өдрүүдэд UNIVERSAL цэнгээнт бүжгийн клубт сургалт зохион байгуулж нийслэлийн дүүргүүдийн төрийн албан хаагч, соёлын ажилтан, ардын авъяасан нийт 45 хүн хамрагдав.

Сургалтаар нийт 16 бүжгийг заан сургасан. Хаалтын ажиллагааг 4 дүгээр сарын 26-нд зохион байгуулж сургалтанд оролцогчдод НСУГ-ын дарга Б.Батцэнгэл ССАЖЯ, НСУГ, МНБХ-ны Сертификат гардуулав.

Хүүхэд багачуудын урлаг, уран сайхны болон гоо зүйн мэдрэмжийг нь дээшлүүлэх, сэтгэн бодох чадвар, өөрийгөө бусдад таниулах боломжийг олгодог “Ангийн драм” нэвтрүүлгийн энэ жилийн шалгаруулалт эхлэхэд бэлэн болоод байгаа билээ. Ерөнхий боловсролын сургуулийн ахлах ангийн сурагчдын дунд зохион байгуулдаг энэхүү нэвтрүүлгийг Нийслэлийн Соёл урлагийн газрын зүгээс бодлогын хувьд дэмжиж хамтран ажиллахаар болов. Уг уралдааны шалгаруулалтанд “Хотын соёл”, “Архи тамхи мансуурлын хорт нөлөөллөөс сэргийлэх” чиглэлээр сурагчдын дуу хоолойг олон нийтэд хүргэх, бодитой ажил зохион байгуулах онцлогтойгоор энэ удаагийн уралдааныг зохион байгуулахаар төлөвлөөд байна. “Ангийн драм” нэвтрүүлгийн нээлтийн ажиллагаа 2013 оны 03 дугаар сарын 20-ны өдөр Цагдаагийн “Сүлд” чуулгын танхимд болсон бөгөөд уралдаанд нийт 40 сургуулийн 450 гаруй сурагчид оролцож байгаа юм.

Улаанбаатар хотын түүх соёлын өвийг хамгаалах, сэргээх, аялал жуулчлалын бүтээгдэхүүн болгож эдийн засгийн  эргэлтэнд оруулах, дотоод гадаадын жуулчдыг Улаанбаатар хотод зохион байгуулагдаж буй соёл урлагийн арга хэмжээний талаарх мэдээллээр хангах, гадаад дотоодын жуулчдын сонирхол татсан арга хэмжээнүүдийг хамтран зохион байгуулах зорилгоор санамж бичигт өнөөдөр гарын үсэг зурлаа. Санамж бичигт Нийслэлийн Соёл урлагийн газрын даргын үүргийг түр орлон гүйцэтгэгч Б.Батцэнгэл, Нийслэлийн аялал жуулчлалын газрын даргын үүргийг түр орлон гүйцэтгэгч Э.Баттулга нар гарын үсэг зурав.

Соёл, урлагийг хөгжүүлэх асуудлаар:

• Нийслэл хотод орших соёлын өвийг хамгаалах, үндэсний өв соёлоо түгээн дэлгэрүүлэх ажлын хүрээнд нийслэлийн Ерөнхий боловсролын сургуулийн сурагчид, их дээд сургуулийн оюутан залуусын дунд явган болон тойрон аялалыг хамтран зохион байгуулах,
• Гар урлалыг хөгжүүлэх, дэмжих ажлыг нэмэгдүүлэх, үзэсгэлэн зохион байгуулах
• Музей, үзвэрийн газраар  жуулчид тав тухтай үйлчлүүлэх нөхцлийг хангаж ажиллах /гадна дотно тохижилт, жуулчны тээврийн хэрэгслийн тусгай зогсоол, мэдээллийн  технологийн шинэ арга хэлбэр, тоног төхөөрөмжийг нэвтрүүлэх/-д дэмжлэг үзүүлэх
• Талуудын зохион байгуулах арга хэмжээнд соёл, урлагийн болон аялал жуулчлалын байгууллагуудыг татан оролцуулах,
• Нийслэлийн Аялал жуулчлалын газрын мэдэлд байгаа сурталчилгааны самбарт Нийслэлийн Соёл урлагийн газраас зохион байгуулж байгаа үйл ажиллагааны сурталчилгааг үнэ төлбөргүй байрлуулах,

Aялал жуулчлалыг хөгжүүлэх талаар:

• Улаанбаатар хот түүний орчмын аялал жуулчлалын нөөц, байгаль, соёлын онцлог, дэд бүтцэд тулгуурлан аялал жуулчлалын тусгай сонирхлын төрөл, чиглэлийг /түүх соёлын, байгалийн, шашны гэх мэт/  тогтоон нийслэлийн соёлын аялал жуулчлалын газрын зургийг гаргах
• Музейн хөтөч, аяллын тайлбарлагч бэлтгэх сургалтыг музейдэд зохион байгуулах, хамтран ажиллах гурвалсан гэрээ байгуулах
• Музей, үзвэрийн газруудад мэргэжлийн зүгээс зөвлөгөө өгч, удирдамжаар хангах, ажилтнуудыг мэргэжлийн сургалтанд хамруулах
• Улаанбаатар хотод зохион байгуулагдах соёл урлагийн  арга хэмжээ, үзвэр үйлчилгээ болон түүний хуваарийг Аялал жуулчлалын мэдээлэл, сурталчилгааны төв, цахим хуудсаараа дамжуулан олон нийтэд түгээх
• Соёл урлагийн болон хувийн хэвшлийн байгууллагуудыг хооронд нь холбож, хамтран ажиллахад дэмжлэг үзүүлэх
• Жуулчны улиралд нийслэл хотод болон хот орчмын аялал жуулчлалын бүсэд жуулчдад зориулсан урлаг соёлын томоохон эвентийг хамтран зохион байгуулах зэрэг асуудлууд санамж бичигт тусгав.

Улаанбаатар хотын түүх соёлын өвийг хамгаалах, сэргээх, аялал жуулчлалын бүтээгдхүүн болгож эдийн засгийн эргэлтэнд оруулах, дотоод гадаадын жуулчдыг Улаанбаатар хотод зохион байгуулагдаж буй соёл урлагийн арга хэмжээний талаарх мэдээллээр хангах, гадаад дотоодын жуулчдын сонирхол татсан арга хэмжээнүүдийг хамтран зохион байгуулах чиглэлээр Нийслэлийн Соёл урлагийн газар, Нийслэлийн Аялал жуулчлалын газрууд хамтын ажиллагааны санамж бичиг байгуулна.

Нийслэлийн Соёл урлагийн газар, харъяа байгууллагуудын удирдах ажилтнуудын шуурхай зөвлөлгөөн 2013 оны 03 дугаар сарын 01-ний өдөр Шинжлэх ухааны академийн хурлын танхимд болж өндөрлөлөө. Тус зөвлөлгөөнд Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл урилгаар оролцов.

Зөвлөлгөөнөөр салбарын хэмжээнд тулгамдаж буй асуудал, цаашдын бодлогын зорилтын талаар газрын даргын үүргийг түр орлон гүцэтгэгч танилцуулж, газрын даргын зөвлөхөөр ажиллахаар томилогдсон СГЗ С.Цогтбаярыг танилцуулав.

Цаашид Нийслэлд үйл ажиллагаа явуулж буй төрийн болон төрийн бус, хувийн хэвшлийн байгууллагуудын удирдлагуудыг салбарын шуурхай зөвлөлгөөнд оролцуулж, газрын бодлогыг нийслэлийн хэмжээнд, өргөн цар хүрээнд явуулах, салбарын ажилтнуудын нийгмийн асуудлыг шийдвэрлэх зэрэг олон асуудлуудыг харъяа байгууллагын удирдлагууд дэвшүүллээ.

Нийслэлийн Соёл урлагийн газрын даргын үүргийг түр орлон гүйцэтгэгч Б.Батцэнгэл, тус газрын харъяа байгууллагууд, дүүргүүдийн Соёлын ордны үйл ажиллагаатай танилцаж, цаашид соёл, урлагийн үйлчилгээг иргэдэд илүү хүртээмжтэй хүргэх чиглэлээр санал солилцож, тодорхой үүрэг чиглэл өгөв.

Нийслэлийн Соёл урлагийн байгууллагын удирдах ажилтны шуурхай зөвөлгөөн 2013 оны 3 сарын 1 ны өдөр 14:00 цагаас ШУА-ын хурлын танхимд болно. Хаяг: СТӨ-ны 3 давхарт

Холбоо барих утас: 321529 99013782

Соёл, урлаг бол нийгмийг сайн сайхан байлгах, иргэдийг соёлжуулах, гэгээрүүлэх нийгмийн чухал салбар юм. Энэхүү салбарт хоёргүй сэтгэлээр зүтгэж яваа нэгэн эрхэм бол Монгол улсын Соёлын гавъяат зүтгэлтэн С.Цогтбаяр билээ.

Энэхүү эрхэмийн авъяас, үзэл бодол, туршлага, мэдлэг чадвар нь монголын соёл, урлагийн салбарт үнэлэгдэхүйц нэгэн. Тийм ч учраас шог зураач С.Цогтбаярыг Нийслэлийн Соёл урлагийн газрын зөвлөхөөр ажиллах хүсэлт гаргасныг тэрээр талархан хүлээн авсан юм.

Нийслэлийн Соёл урлагийн газар нь шинэчлэлийн Засгийн газрын болон Нийслэлийн Засаг даргын үйл ажиллагааны хөтөлбөрийг хэрэгжүүлэх, хотыг хөгжүүлэх, хотын соёлыг төлөвшүүлэх, хүний хөгжлийг дээдлэн шинэлэг хэлбэрээр ажиллахаар төлөвлөж байгаа бөгөөд шог зураач С.Цогтбаярын зөвлөгөөгөөр амжилттай ажиллана гэдэгт итгэлтэй байна.

Самандарын Цогтбаяр нь 1964 онд Улаанбаатар хотод мэндэлсэн. Аж байдлын болон улс төр, уянгын болон хүүрнэл хошин хэлбэрээр уран бүтээлээ туурвидаг чөлөөт уран бүтээлч бөгөөд түүнийг шог зураач Цогтбаяр, “Тоншуул”-ын Цогтбаяр гэдгээр нь илүү нэрлэдэг билээ.

С.Цогтбаяр “Учиртай инээд”, “Төрийн төлөө оготно”, “Шог зургууд” зэрэг шог зургийн олон ном хэвлэн гаргаж нийтийн хүртээл болгожээ. С.Цогтбаяр 1980-аад оноос “Тоншуул” сэтгүүлийг эрхлэн гаргах болсон.

С.Цогтбаяр олон улсын томоохон уралдаан, тэмцээнүүдэд  байнга оролцож дэлхийд Монголын нэрийг дуурсгаж байгаа шог зураач юм.