Нийслэлийн Соёл, урлагийн газраас санаачлан хэрэгжүүлж буй “Урлагийн хот-Улаанбаатар” төсөлд Монгол Улсын Хүүхэлдэйн театраас ирүүлсэн Н.Мандалын зохиол “НУУЦЫН ЭРЭЛД” хүүхдийн жүжиг толилуулах төсөл шалгарч 2018 оны 10 дугаар сарын 26-нд үзэгч олон, хүүхэд багачууд та бүхэнд хүргэхээр зорин ажиллаж байна. Энэхүү жүжиг нь Монгол ардын мартагдаж буй соёлын өв болох оньсого, тааврыг түгээн дэлгэрүүлэх, уламжлуулан үлдээх зорилгоор бичигдсэн төдийгүй хүүхдэд зориулсан “ШИЛДЭГ ЗОХИОЛ” шагналыг хүртсэн юм.
“Нууцын эрэлд” жүжгийн баатруудыг урьдчилан танилцуулах зорилгоор Монгол Улсын Хүүхэлдэйн театрын хамт олон 20 ангит комик зохиол бичиж эрхэм уншигч, хүүхэд багачууд та бүхэндээ толилуулж байна.
“Урлагийн хот-Улаанбаатар” төсөл
Санаачлагч: Нийслэлийн Соёл, урлагийн газар
Дэмжигч: Нийслэлийн Засаг даргын Тамгын газар
Хэрэгжүүлэгч: Монгол Улсын Хүүхэлдэйн Театр
Хамтран зохион байгуулагч: Нийслэлийн Боловсролын газар, Нийслэлийн Хүүхэд, гэр бүлийн хөгжлийн газар, 9 дүүргийн Засаг даргын тамгын газар
Н.Мандалын зохиол “Нууцын эрэлд” жүжиг 2018.10.26-аас Монгол Улсын Хүүхэлдэйн театрын тайзнаа тавигдана.
Та бүхнийг хүүхэд багачуудтайгаа хүрэлцэн ирж үзэхийг урьж байна.
