“Эмэгтэйчүүдийн дүр төрх” сэдэвт Стрийт арт–нээлтийн үйл ажиллагаа 2014 оны 03 дугаар сарын 05-ны өдөр 11:00 цагт Сансарын туннелийн зүүн талын шинэ нүхэн гарцад амжилттай боллоо.
Нээлтийн үеэр Нийслэлийн Соёл урлагийн газрын дарга Б.Батцэнгэл хүрэлцэн ирсэн залуучууддаа хандаж гудамжны хөгжим, спорт, бүжиг, стрийт арт нь хотын соёлд ухамсартай иргэдийг төлөвшүүлэх хүчтэй зэвсэг болдог хотын урлаг юм.
Улаанбаатар хотыг гэрэл гэгээ, өнгө үзэмжтэй байлгахад урлагийн бүтээлээр дамжуулан бидний өдөр тутам харьцдаг гудамжыг эмэгтэйчүүдийн олон дүр төрхөөр гэрүүлтүүлж чадсан уран бүтээлчиддээ амжилт хүсч цаашид хамтран ажиллахад Нийслэлийн Соёл урлагийн газар нээлттэй хэмээн үйл ажиллагааг нээж үг хэллээ.
