“Их талын жазз” ТББ, Нийслэлийн соёл урлагийн газар, АНУ-ын ЭСЯ, БНЧУ-ын ЭСЯ, Франц улсын Монгол дахь соёлын төв болон Гёте институт хамтран “Их талын жазз” Олон улсын VII их наадмыг Улаанбаатар хотноо аравдугаар сарын 1-8-ны өдрүүдэд зохион байгуулж байгаа билээ. Мэргэжлийн жазз урлаг болон түүгээр дамжуулан түүний боловсролыг олон нийтэд түгээн дэлгэрүүлэх олон нийтэд зориулсан тоглолт Чингис хааны талбайд 2013 оны 10-р сарын 06 нд болж өндөрлөлөө. Энэхүү тоглолтонд Нийслэлийн Соёл урлагийн газрын дарга Б.Батцэнгэл хүрэлцэн ирж Нийслэлчүүдэд ховор завшаан тохиолдож буйг хэлсэн үгэндээ онцоллоо. Хэдийгээр намрын сэрүүн орсон, цаг агаар хүйтэн байсан боловч хүрэлцэн ирсэн хүмүүс жазз хөгжмийн аянд бүжиглэн цэнгэж нэг өдрийг өнгөрөөлөө.
