Category: Мэдээ

Монгол Улсын  нийслэл Улаанбаатар хотын 374  жил, “Хүүхдийн найрал дуу”-ны шилдэг хамтлаг шалгаруулах 21  жилийн  ойн  уралдаант наадмын анхан шатны шалгаруулалт  2013 оны 10-р сарын 09-11 өдрүүдэд нийслэлийн 9 дүүрэгт зохион байгуулагдах гэж байна.

ХҮҮХДИЙН НАЙРАЛ ДУУНЫ АНХАН ШАТНЫ

ШАЛГАРУУЛАЛТЫН ХУВААРЬ

ССААЖЯ, Монгол-Францын төв, Монголын урлагийн зөвлөлөөс анх удаагаа зохион байгуулж буй УЛААНБААТАР олон улсын кино наадам өнөөдөр эхэлж байна. Уг кино наадамд нийт 9 орны уран бүтээлчдийн кино оролцож байгаа бөгөөд эдгээр кинонууд нь 2012-2013 оны Канн, Берлин, Венецийн кино наадамд сонгогдон шагнал хүртсэн бүтээлүүд юм. Монголын киночид гадаадын уран бүтээлчидтэй туршлага солилцох, хамтын ажиллагааг дэмжихэд уг наадмын бас нэгэн зорилго оршиж байгаа юм.

“Улаанбаатар“ олон улсын кино наадмын хөтөлбөрт дэлхийн кино урлагийн хөгжлийн чиг хандлагыг тодорхойлох, урлаг уран сайхан дэвшүүлж буй санаа нь өргөн цар хүрээг хамарсан кинонууд оролцож байгаа бөгөөд АНУ, Герман, Гүрж, Итали, Сингапур, Тайвань, Турк, Франц, Швед зэрэг орны найруулагч, продюсерийн төлөөлөл болсон 12 зочид манай улсад иржээ.

Уран бүтээлчдийн төлөөлөл Сингапурын кино найруулагч Энтони Чэнь , найруулагч Габрила Пихлер,  продюсер Гиюм дө Сей, энэхүү наадмын зохион байгуулагч Тибу Брак нар олон улсын кино наадамд ямар бүтээлээр оролцож байгаагаа танилцууллаа.

2013 оны Каннын Олон Улсын кино наадмын “Алтан камер” шагнал хүртсэн Сингапурын найруулагч Энтони Ченийн анхны бүрэн хэмжээний уран сайхны кино “Ило, Ило” хэмээх гэр бүлийн сэдэвтэй бүтээлээ монголын үзэгчдэд толилуулах гэж байна. Мөн 2012 оны Гулдбагийн шагнал, тус оны Венецийн Олон улсын кино наадмын Шүүмжлэгчдийн долоо хоногийн Үзэгчдийн нэрэмжит шагналт “Ид унт үх”, Берлиний Олон Улсын кино наадмын Олон улсын арт кино эвлэлийн шагналт “Цэцэглэхүй” хэмээх дэлхийд данстай бүтээлүүд “Улаанбаатар” олон улсын кино наадамд оролцож байгааг дуулгалаа.

Кино наадмын хүрээнд кино форм, “Франц киноны өдөрлөг” зэрэг үйл ажиллагаа болох юм. Харин Пусаны олон улсын наадмын “Азийн киноны булан” хэсэгт сонгогдсон найруулагч Ч.Хоролдоржийн ШАРГА ДААГА киногоор “Улаанбаатар” Олон улсын кино наадам нээлтээ хийлээ.

Есөн өөр орон, есөн өөр ёс заншилыг харуулсан инээдэм, гэр бүл, хайр дурлал, нийгмийн асуудал гээд бидний амьдралын дунд өрнөж буй бүхийн л сэдвийг хөндсөн бүтээлүүдийг өнөөдрөөс эхлэн “Тэнгис” кино театрт үнэ төлбөргүй үзээрэй.

Наадмын хөтөлбөр

10-р сарын 4-нд “Шарга даага”

10-р сарын 5-нд “Франц кино өдөрлөг”

10-р сарын 6-нд Францын “Ило, Ило”

“Сальво” кино

10-р сарын 7-нд Туркын “Насан туршдаа”

Жүжигчин Дэфнэ Халмантай хийх уулзалт

“Цэцэглэхүй” Гүржийн кино

Продюсер Гиюм Дөө Сейтэй хийх уулзалт

10-р сарын 8-нд  Энэтхэгийни “Хоолны сав”

Тибу Брактай хийх уулзалт

Тайваны “Маргааш ч чи намайг хайрлах уу”

Найруулагч Эрвин Ченьтэ хийх уулзалт

Шведийн “Ид унт үх”

10-р сарын 9-нд    АНУ-ийн  “Бүрэн сүйрэл”

Мексикийн “Алтан хорго”

Найруулагч Диего Кемада Диестэй хийх уулзалт болно.

Соёл, Спорт, Аялал Жуулчлалын Яамны санаачлага, санхүүжилтээр Монгол-Францын Төв, Нийслэлийн Соёл Урлагийн Газар, Монголын Урлагийн Зөвлөл хамтран кино урлагийн салбарын олон улсын хамтын ажиллагааг нэмэгдүүлэх зорилготой “Улаанбаатар” Олон Улсын Кино Наадам (УБОУКН)-ыг 2013 оны 10-р сарын 4-9-нд Улаанбаатар хотноо зохион байгуулж байна.

Аливаа кино наадмын амин сүнс нь уг наадмаар үзүүлж байгаа кино бүтээл байдаг. Зохион байгуулагчид “Улаанбаатар” олон улсын наадмын хөтөлбөрийг дэлхийн кино урлагийн хөгжлийн чиг хандлагыг тодорхойлох, урлаг, уран сайхан, дэвшүүлж буй санаа болон хийцийн хувьд өргөн цар хүрээ, сонголттой байхад анхаарлаа хандуулан ажиллаж байгаа билээ.

Иймээс наадам зохион байгуулагчид олон улсын кино хөтөлбөр зохицуулагчаар Францын иргэн, Канн болон Парис Синема олон улсын кино наадам зохион байгуулдаг туршлагатай Тибу Бракийг урьж ажиллуулсны үр дүнд наадмын хөтөлбөр чанар болон агуулгын хувьд олон улсын нэр хүндтэй наадмуудтай эн зэрэгцэхүйц баялаг, кино бүтээх олон янзын хэл, санаа, хийцтэй болсон гэж зохион байгуулагчид үзэж байна.

Тус наадмын хөтөлбөрт 2013 оны Каннын олон улсын кино наадмын Шүүмжлэгчдийн долоо хоног, Найруулагчдын хоёр долоо хоног, “Un Certain Regard”, Алтан камер хэсэгт тус тус шагналт хүртсэн Италийн “Сальво”, АНУ-ын “Бүрэн сүйрэл”, Мексикийн “Алтан хорго”, Сингапурийн “Ило Ило”, мөн 2012 оны Венецийн олон улсын кино наадмын шүүмжлэгчдийн долоо хоногийн үзэгчдийн нэрэмжит шагналт Шведийн “Ид унт үх” зэрэг шилдэг бүтээлүүд багтсан бөгөөд кино үзвэрийн дараа тус киног бүтээсэн уран бүтээлчидтэй уулзах онцгой боломжийг олгоно.

Эдгээр бүтээлүүд нь Монголын үзэгчдийн үзэж заншсан арилжааны шинж чанартай киноноос ангид бөгөөд аливаа бүтээлийн үнэ цэнийг тодорхойлогч гоо зүй, утга санаа, ур хийцийн шалгуурыг хангасан зарим хүмүүсийн хэлж заншсанаар арт хаус чиглэлийн кино байх юм. Дэлхийн хэмжээний нэр хүндтэй наадмууд ч энэ төрлийн кино, найруулагчдыг дэмжихэд чиглэгдсэн байдаг.

Мөн олон улсын ижил төстэй кино наадмын бас нэг зорилго нь энэ салбарт аижллаж байгаа уран бүтээлчдийн хамтын ажиллагааг дэмжих, харилцан туршлага солилцох боломжийг олгоход чиглэгддэг. Энэ жишгээр УБОУКН-д АНУ, Герман, Гүрж, Итали, Мексик, Сингапур, Тайвань, Турк, Франц, Швед зэрэг 10 орны найруулагч, продюсер, гол дүрийн жүжигчид, Каннын наадмын зохион байгуулагчид, кино бүтээлийг дэлхийн зах зээлд түгээдэг Герман, Францын Мементо фильмс, Матч Фактори, Фильм Бутик зэрэг байгууллагын төлөөлөгчид, Францын Засгийн Газрын Кино Урлагийн Үндэсний Төвийн удирдлагууд зэрэг олон улсад нэр хүндтэй 12 зочид урилгаар оролцоно. Наадмын зохион байгуулагчид Монголын уран бүтээлчдэд эдгээр хүмүүстэй уулзаж, олон улсын хамтарсан кино бүтээл туурвих, бүтээлээ олон улсад түгээх өргөн боломжийг олгоход ихээхэн анхаарсан.

“Улаанбаатар” олон улсын кино наадмын нээлтийн ажиллагааг Пусаны олон улсын наадмын “Азийн киноны булан” хэсэгт сонгогдсон Найруулагч Ч.Хоролдоржийн “Шарга даага” киногоор 2013 оны 10-р сарын 04-нд Тэнгис кино театрт албан ёсоор нээнэ.

ССАЖЯ “Улаанбаатар” олон улсын кино наадмын онцлох орноор Франц улсыг сонгосон бөгөөд энэ хүрээнд тус улсын киноны шилдэг бүтээлээс бүрдэх “Франц киноны өдөрлөг”-ийг 2013 оны 10-р сарын 05-нд Тэнгис кино театр зохион байгуулах юм.

Уг өдөрлөгийн хүрээнд 2010 оны Каннын олон улсын наадмын тэргүүн дээд шагналт нэр дэвшсэн найруулагч Аббас Киорастамийн бүтээл, Каннын олон улсын наадмын шилдэг эмэгтэй жүжигчний шагнал хүртсэн Жюльет Биношийн гол дүрд тоглосон “Зөвшөөрөгдсөн хувилбар”, найруулагч Марк Дюганы “Ердийн гүйцэтгэл” киног олны хүртээл болгоно. Франц кино өдөрлөгийн нээлтийн ажиллагааг тус өдрийн 19 цагаас нээх ба найруулагч Пол Лакостын “Брагын гэр бүл” баримтат киног толилуулах юм.

“Их талын жазз” нэрээр овоглосон олон улсын  их наадам долоо дахь жилдээ Улаанбаатар хотноо эхэллээ. Наадмыг ЮНЕСКО-гийн Монголын үндэсний комисс, “Их талын жазз” ТББ, Нийслэлийн соёл, урлагийн газар, АНУ-ын ЭСЯ, Бүгд найрамдах Чех улсын ЭСЯ, Франц улсын Монгол дахь соёлын төв болон “Гёте институт”хамтран 10 дугаар сарын 1-8-ны хооронд зохион байгуулах ажээ.  Өчигдөр наадам албан ёсоор эхэлж, Юби Жазз” клубт гадаад, дотоодын уран бүтээлчид тоглолт хийсэн байна.

Их талын Наадамд АНУ, Герман, БНСУ, БНЧУ, Шотланд зэрэг улсаас “Латино жазз бэнд”, “Войс энд тойс”, Мартин Зенкер, Күэнтин ба түүний найзууд зэрэг олон улсын уран бүтээлчид, Цэргийн дуу, бүжгийг эрдмийн чуулга, “Юби Жазз” хамтлаг болон жазз хөгжмөөр уран дуулдаг дуучид оролцох юм.

Түүнчлэн Монголыг зорьж, наадамд оролцохоор ирэх олон улсын уран бүтээлчид Хөгжим бүжгийн коллеж, СУИС, Монгол дахь Америк сургууль, “Шинэ эхлэл” зэрэг сургууль болон Хүүхэд асрах хүмүүжүүлэх төвүүдээр тус тус  очиж тоглолтоо сонирхуулах юм байна.

Наамдын хуваарийг танилцуулбал,

• “Юби Жазз” клубт10 дугаар сарын 1, 2, 3, 4, 5, 7-ны жазз тоглолт үдэш бүр 20.00 цагт болж байх ажээ. Энэ үеэр АНУ-ын алдарт хөгжмийн найруулагч Гилл Голдстейны найруулсан жазз найруулгаар монгол дуунуудыг манай улсын уран бүтээлчидтэй хамтран толилуулахаар болсон байна.
• Маргаашнаас эхлээд 10 дугаар сарын 8-ныг хүртэл “Эрдэм”, “Нархан”, “Бадамлянхуа” асрамжийн газраар очиж тоглох юм байна.
• Олон нийтэд нээлттэй тоглолт Чингис хааны төв талбайд 10 дугаар сарын 6-ны 15.00 цагт,
• Хаалтын гала концерт Улсын дуурь бүжгийн эрдмийн театрт 10 дугаар сарын 8-ны 19.00 цагт тус тус зохион байгуулах ажээ.

Уг наадмын гол зорилго нь мэргэжлийн жазз урлаг болон түүгээр дамжуулан боловсролыг олон нийтэд түгээн дэлгэрүүлэх, ЮНЕСКО-гийн зорилго, зорилтуудын хүрээнд залуучуудад энх тайван, ардчиллын төлөөх нийтлэг сонирхлоо илэрхийлэх, тэдний оролцоог нэмэгдүүлэх,Монголын уран бүтээлчид гадаадын уран бүтээлчидтэй харилцаа холбоог өргөжүүлэхэд чиглэх талаар зохион байгуулагчид нь хэллээ.

Тоглолтын нээлт, хаалтын гала концертын тасалбарыг Улсын драмын эрдмийн театр, Улсын дуурь бүжгийн эрдмийн театрын билетийн касс болон  “Юби Жазз” клубын байранд тус тус худалдаалах бөгөөд 91919011, 88006737 дугаарын утсаар дэлгэрэнгүй мэдээллийг авах боломжтой ажээ.

“Инээмсэглэлтэй Улаанбаатар” Соёлын аяны хүрээнд   Олон Улсын Театрын Институтийн харьяа УРБАН НОМАДС-ын төслийн багтай  хамтран CROSSING IDENITITIES – /эхлэгчид ,мэргэжилтнүүд, сонирхогчид / хэмээх үзүүлбэрийн найман хөтөлбөрийг Улаанбаатар хотноо  2013 оны 9 дүгээр сарын 1 нээс 10 сарын 18 –ны өдрийг дуустал зохин байгуулахаар төлөвлөөд хөтөлбрийн дагуу үйл ажиллагаа явагдаж байгаа билээ.

Хөтөлбөрүүдийн зорилго нь хотын иргэдийн өмнө тулгараад байгаа өдөр тутмын байгаль-хүн, хог, хүн нийгэм оролцоо, хот -дуу чимээ, хотын өв-дурсамж гэсэн сэдвүүдийг хөндөж урлагийн хэлбэрүүдээр илэрхийлэхэд оршино.

• 12-нд  “Хотын дуу чимээ “ хөтөлбөр

• 13 –нд “Би бол Гамлет”  хөтөлбөр

20-нд  “Ногоон Нуур”  хөтөлбөр тус тус амжилттай зохион байгуулагдаж өнгөрлөө.

Дэнжийн-1000-ын урд хэсэгт эртнээсээ “Ногоон нуур” гэж нэрлэгдсэн байгалийн сайхан бүрдсэн үзэсгэлэнт газар байсан тухай хөгшид ярьдаг. 1950-аад онд Ногоон нуураас тунгалаг горхи урсан Хүүхдийн урлан бүтээх төв, Төрийн ордон байгаа газраар дайран дунд голд нийлдэг байжээ. Хөвөөгөөр нь улаан шарыг алаглуулсан лам хуваргууд хойш урагш алхалсан ногоон зүлэгтэй орчин байсан аж.

Харин өнөөдөр энэ  газар барилгын хогоор дүүрч хогон овоо болон хувирч, нуур ч ширгэн ус ч  үлдэлгүй хатаж, хаа нэг шалбааг амь тэмцэх түүний эцсийн лугшилт нь болон дүнсийнэ.

Тэгвэл бидний мэдэхгүй тэрхүү “Ногоон нуур”-т нийслэлд хэрэгжиж эхлээд буй “Урбан номадс” төслийнхөн өнгөрсөн баасан гарагт “Амьдрал ахуй, Ногоон нуур” сэдвээр орон зайн урлагийг дэлгэн харуулсан юм.

Соёл, cпорт, аялал жуулчлалын яамны санаачилга, санхүүжилтээр Монгол-Францын төв, нийслэлийн Соёл урлагийн газар, Монголын урлагийн зөвлөл хамтран кино урлагийн салбарын олон улсын хамтын ажиллагааг нэмэгдүүлэх зорилготой “Улаанбаатар” Олон улсын кино наадмыг ирэх сарын 4-9-нд Улаанбаатар хотноо зохион байгуулна. Уг наадмын хэвлэлийн бага хурал өнөөдөр Соёл, cпорт, аялал жуулчлалын яамны хурлын танхимд 11:00 цагаас болно.

Улсын төв номын санд өнөөдөр “Номын баяр-2013”-ын нээлтийн ажиллагаа эхэллээ.

Ерөнхийлөгч Ц.Элбэгдорж 2012 оны 8 дугаар сарын 24-ний өдөр зарлиг гарган ард иргэд, хүүхэд залуусын ном эрдэмд эгээрэн нөхөрлөх хандлагыг улам бүр дэмжих зорилгоор жил бүрийн 9 дүгээр сарын гурав дахь долоо хоногийн бямба гарагийг “Номын баярын өдөр” болгон өргөнөөр ёслон тэмдэглэхээр болсон билээ.

Энэ жилийн номын баярын өдөр “Номын аялалд гарцгаая” уриан дор зохион байгуулагдаж байна.

“Номын баяр – 2013” хөтөлбөр

Хугацаа:  2013 оны 09 дүгээр сарын 21, 22 -ны өдөр
Хаана:     Монгол Улсын Үндэсний номын сан
Хүүхдийн номын ордон
Улаанбаатар бизнес хөгжлийн төв

Уриа: Номын аялалд гарцгаая

09 дүгээр  сарын 21.  Бямба гараг

10.00-10.30   Нээлтийн ёслолын үйл ажиллагаа 
Үндэсний номын сан
10.30-16.30  “Монголчуудын номын өв соёл” үзэсгэлэн
Үндэсний номын сангийн “Үнэт ховор номын музей”
10.30-11.30   Хүүхэлдэйн жүжиг: “Гахайн гурван тоорой”,” Алтан загасны үлгэр”
Хүүхдийн номын ордон ”Боловсрол хөгжил” танхим
11.30-17.30   www.book.mn  нээлт 
Улаанбаатар бизнес хөгжлийн төв
11.30-12.30   “EBSCO”, “Springer” хэвлэлийн газруудын танилцуулга, сургалт
Хүүхдийн номын ордон Герман уншлагын танхим
12.00-14.00   “Номын ач тус” онол практикийн бага хурал
Хүүхдийн номын ордон ”Боловсрол хөгжил” танхим
14.0-17.00   “Цаас  ба хэвлэлийн технологи” танилцуулга сурталчилгаа
Улаанбаатар бизнес хөгжлийн төв
14.00 -17.00 “Тэргүүний уншигчдын өдөрлөг”       
Хүүхдийн номын ордон ”Боловсрол хөгжил” танхим
14.00-16.00   Шинэ номын сурталчилгаа: нээлттэй микрофон
Улаанбаатар бизнес хөгжлийн төв
15.30-17.00  “Шидэт номын найзууд” зохиолын  дүрийн тоглолт
Хүүхдийн номын ордон ”Мөрөөдөл” танхим
16.00-17.10  Хүүхэлдэйн жүжиг:  “Гахайн гурван тоорой”,” Алтан загасны үлгэр”
Хүүхдийн номын ордон ”Боловсрол хөгжил” танхим
16.30-18.00   “Ярьдаг ном”: харааны бэрхшээлтэй иргэдэд зориулсан номын сангийн үйлчилгээний танилцуулга
Хүүхдийн номын ордон ”Мөрөөдөл” танхим
10.30-18.00 “Дугуйтай уншлага”, “Богцтой уншлага”, “Зөөврийн уншлага” 
үйлчилгээ  – Үндэсний номын сан

9 дугаар  сарын 22 өдөр.  Ням  гараг

10.30-11.30  Хүүхэлдэйн жүжиг:   “Гахайн гурван тоорой”,” Алтан загасны үлгэр”
Хүүхдийн номын ордон ”Боловсрол хөгжил” танхим
10:00-11.30 Гадаадын номын сангуудын туршлага –сургалт  
Хүүхдийн номын ордон ”Мөрөөдөл” танхим
11.00-17.0   Зохиолчдын гарын үсэгтэй номын худалдаа 
Улаанбаатар бизнес хөгжлийн төв
11.00-17.0    “Номын  хавтас, дизайн” танилцуулга сурталчилгаа
Улаанбаатар бизнес хөгжлийн төв
12.00-13.00 “Шидэт номын найзууд” зохиолын  дүрийн тоглолт
Хүүхдийн номын ордон ”Мөрөөдөл” танхим
11.30-13.30  Хүүхдийн зохиолч-уншигчдын уулзалт  
Хүүхдийн номын ордон ”Боловсрол хөгжил” танхим
14.00-17.00 “Цахим ном”-ын танилцуулга сурталчилгаа
Улаанбаатар бизнес хөгжлийн төв
15.00-17.00  Уран үгсийн чуулган: Ардын уран зохиолчид, “Болор цом”-ын эзэд
Үндэсний номын сан
15.00-16.30  “Номын эмч” сургалт
Хүүхдийн номын ордон ”Мөрөөдөл” танхим
16.00-16.30  Хүүхэлдэйн жүжиг: “Гахайн гурван тоорой”,” Алтан загасны үлгэр”
Хүүхдийн номын ордон ”Боловсрол хөгжил” танхим
16.00-17.30  “MONBIBLIO” сургалт
Хүүхдийн номын ордон ”Мөрөөдөл” танхим
17.30-18.00    Хаалтын үйл ажиллагаа
9 дүгээр сарын 21, 22-ны өдрүүдэд

Үндэсний номын сан:
–    “Үнэт ховор номын музей”
–    “Уран үгсийн чуулган”
–    Монголчуудын номын өв соёл
–    Зөөврийн номын сангийн үйлчилгээ

Хүүхдийн номын ордон:
–    “Ном” хөтөлбөр – үзэсгэлэн
–    “Хүүхэд бүр уншигч” аян – үзэсгэлэн
–    Баянхонгор аймгийн “Ном эрдэм” аян – үзэсгэлэн

Улаанбаатар бизнес хөгжлийн төв:
–    Номын үзэсгэлэн худалдаа
–    Номын хандив цуглуулах ажиллагаа
–    Шинэ ном, шинэ бүтээгдэхүүний танилцуулга, нээлт
–    Зохиолчдын гарын үсэгтэй худалдаа
–    Номон шагналын сантай тэмцээн уралдаан

Соёл, урлагийн ажилтны өдрийг 2013 оны 9 дүгээр сарын  7 –нд “ Хүй долоон худаг”-т зохион байгууллаа. Нийт Соёл урлагийн 30 гаруй байгууллага оролцсон бөгөөд уг арга хэмжээнд бөхийн барилдаан, хурдан морины уралдаан,сур, шагайн харваа, Соёл, урлагийн байгууллагуудын  “Гоо Бүсгүй” шалгаруулах уралдаан, рок поп, хип хоп, амьд хөгжмийн хамтлаг дуучид оролцсон өргөн дэлгэр цэнгүүн болж өнгөрлөө.

Нийслэлийн Соёл урлагийн газар , MCS properties ХХК- тай хамтран UB FOOD FESTIVAL- 2013 арга хэмжээг өнгөрсөн амралтын өдрүүдэд Яармагийн VIVA CITY хороололд амжилттай зохион байгууллаа. Энэхүү үйл ажиллагаа нь олон улсад “Taste of London”, “Taste of Paris” гэх мэт томоохон хотуудад жил бүр зохиогдож хоолны урлагийн гайхамшиг болон ач холбогдлыг сурталчилж байдаг арга хэмжээ юм. Энэ жил анх удаа Улаанбаатар хотод зохиогдож буй уг арга хэмжээнд Монголын шилдэг 30-аад ресторан өөрсдийн нэрийн хоолыг нийслэлийн иргэдэд танилцуулж амталгаат худалдаа зохион байгуулж, ахлах тогоочдын хоол хийх үзүүлбэр болон хамтлаг дуучдын тоглолт гээд үзэгчдийн сэтгэлийг хөдөлгөсөн олон үйл ажиллагаа байсан төдийгүй Грийн Катеринг ХХК-ийн дэд захирал С.Батмөнх болон фэйсбүүкийн Sweet Kitchen группийн бүтээлч бүсгүйчүүд хамтран 3х1 метрийн хэмжээтэй ба 919ш өндөг, 30кг гурил, 28кг элсэн чихэр, 45литр крем, 72ш лист кекс, 1000ш сарнайн чимэглэлээр чимэглэсэн аварга бялууг 17тогооч 8 цагийн турш  хийж фестивальд ирсэн зочдод бэлэг барьсан юм. Энэхүү үйл ажиллагааг цаашид жил бүр уламжлал болгон зохион байгуулахаар болсон юм.